Закон Республики Беларусь
"О бюджете Республики Беларусь
на 2005 год

Тэкст Закона ў кантрольным стане. Дата апошняй актуалізацыі: 15.03.2005.

Закон Рэспублікі Беларусь
Аб бюджэце Рэспублiкi Беларусь на 2005 год

Прыняты Палатай прадстаўнiкоў 8 кастрычнiка 2004 года

Адобраны Саветам Рэспублiкi 28 кастрычнiка 2004 года

Артыкул 1. Зацвердзiць рэспублiканскi бюджэт на 2005 год па выдатках у суме 19 166 916 005,0 тыс. рублёў зыходзячы з прагназуемага аб’ёму даходаў у суме 18 256 916 005,0 тыс. рублёў.

Устанавiць гранiчны памер дэфiцыту рэспублiканскага бюджэту на 2005 год у суме 910 000 000,0 тыс. рублёў.

Ажыццявiць фiнансаванне дэфiцыту рэспублiканскага бюджэту ў 2005 годзе згодна з дадаткам 1.

Артыкул 2. Дзяржаўны фонд садзейнiчання занятасцi, дарожны фонд, фонд аховы прыроды, рэспублiканскi фонд падтрымкi вытворцаў сельскагаспадарчай прадукцыi, харчавання i аграрнай навукi, iнавацыйныя фонды, што ўтвараюцца ў адпаведнасцi з гэтым Законам*, у 2005 годзе з’яўляюцца дзяржаўнымi мэтавымi бюджэтнымi фондамi.

Артыкул 3. Уключыць у 2005 годзе:

у рэспублiканскi бюджэт сродкi дзяржаўных мэтавых бюджэтных фондаў: рэспублiканскага фонду падтрымкi вытворцаў сельскагаспадарчай прадукцыi, харчавання i аграрнай навукi, рэспублiканскага дарожнага фонду, рэспублiканскага фонду аховы прыроды, iнавацыйных фондаў, што ўтвараюцца ў адпаведнасцi з гэтым Законам*, частку сродкаў дзяржаўнага фонду садзейнiчання занятасцi, а таксама сродкi Фонду сацыяльнай абароны насельнiцтва Мiнiстэрства працы i сацыяльнай абароны Рэспублiкi Беларусь;

у мясцовыя бюджэты сродкi мясцовых мэтавых бюджэтных фондаў аховы прыроды, дарожных фондаў, жыллёва-iнвестыцыйных фондаў, iнавацыйных фондаў, што ўтвараюцца ў адпаведнасцi з гэтым Законам, а таксама частку сродкаў дзяржаўнага фонду садзейнiчання занятасцi, сродкi пазабюджэтных фондаў, што ўтвараюцца ў адпаведнасцi з заканадаўствам Рэспублiкi Беларусь мясцовымi Саветамi дэпутатаў або выканаўчымi i распарадчымi органамi.

Артыкул 4. Устанавiць, што ў 2005 годзе:

1. Даходы рэспублiканскага бюджэту фармiруюцца за кошт:

1.1. падаткаў, збораў (пошлiн):

падаткаў на даходы i прыбытак (за выключэннем адлiчэнняў, якiя перадаюцца ў бюджэты абласцей i г. Мiнска ў памерах, прадугледжаных абзацам чацвёртым артыкула 7 гэтага Закона);

надзвычайнага падатку для лiквiдацыi наступстваў катастрофы на Чарнобыльскай АЭС (далей — надзвычайны падатак);

падатку на дабаўленую вартасць на тавары (работы, паслугi), якiя вырабляюцца на тэрыторыi Рэспублiкi Беларусь (за выключэннем адлiчэнняў, якiя перадаюцца ў бюджэт абласцей i г. Мiнска ў памерах, прадугледжаных абзацам трэцiм артыкула 7 гэтага Закона);

падатку на дабаўленую вартасць i акцызаў на тавары, якiя ўвозяцца на мытную тэрыторыю Рэспублiкi Беларусь, iмпартных, экспартных мытных пошлiн i мытных збораў;

акцызаў на тавары, якiя вырабляюцца на тэрыторыi Рэспублiкi Беларусь (за выключэннем акцызаў на аўтамабiльнае палiва (акрамя iмпартаванага), адлiчэннi па якiх перадаюцца ў бюджэты абласцей i г. Мiнска часткова ў памерах, прадугледжаных абзацам другiм артыкула 7 гэтага Закона, i акцызаў, якiя цалкам залiчваюцца ў бюджэты абласцей i г. Мiнска ў адпаведнасцi з абзацам восьмым пункта 1 артыкула 8 гэтага Закона);

збораў за праезд аўтамабiльных транспартных сродкаў замежных дзяржаў па аўтамабiльных дарогах агульнага карыстання Рэспублiкi Беларусь у памеры 50 працэнтаў;

патэнтных пошлiн i збораў;

консульскiх i iншых збораў;

iншых абавязковых плацяжоў у адпаведнасцi з заканадаўствам Рэспублiкi Беларусь;

1.2. iншых даходаў:

часткi прыбытку Нацыянальнага банка Рэспублiкi Беларусь;

за карыстанне банкамi грашовымi сродкамi рэспублiканскага бюджэту;

па бюджэтных пазыках;

на долi (акцыi), якiя знаходзяцца ў рэспублiканскай уласнасцi;

часткi прыбытку рэспублiканскiх унiтарных прадпрыемстваў;

ад знешняга гандлю i знешнеэканамiчных аперацый;

платы за выдачу дазволаў на праезд аўтатранспартных сродкаў па тэрыторыях замежных дзяржаў i Рэспублiкi Беларусь у памеры 40 працэнтаў;

ад канфiскаванай (перададзенай у даход дзяржавы) маёмасцi;

арэнднай платы ад здачы маёмасцi, якая знаходзiцца ў рэспублiканскай уласнасцi, у адпаведнасцi з заканадаўствам Рэспублiкi Беларусь;

ад рэалiзацыi дзяржаўных матэрыяльных рэзерваў i iншых каштоўнасцяў;

ад iншых паступленняў у адпаведнасцi з заканадаўствам Рэспублiкi Беларусь;

1.3. даходаў свабодных эканамiчных зон.

2. У даходы рэспублiканскага бюджэту ўключаюцца сродкi дзяржаўных мэтавых бюджэтных фондаў: рэспублiканскага фонду падтрымкi вытворцаў сельскагаспадарчай прадукцыi, харчавання i аграрнай навукi, рэспублiканскага дарожнага фонду, дзяржаўнага фонду садзейнiчання занятасцi, рэспублiканскага фонду аховы прыроды, iнавацыйных фондаў, што ўтвараюцца ў адпаведнасцi з гэтым Законам*, а таксама сродкi Фонду сацыяльнай абароны насельнiцтва Мiнiстэрства працы i сацыяльнай абароны Рэспублiкi Беларусь.

У даходы бюджэтаў свабодных эканамiчных зон уключаюцца падаткi на даходы i прыбытак, акцызы i 50 працэнтаў падатку на дабаўленую вартасць, якiя выплачваюцца рэзiдэнтамi свабодных эканамiчных зон. Астатнiя падаткi i iншыя абавязковыя плацяжы, якiя выплачваюцца рэзiдэнтамi свабодных эканамiчных зон, залiчваюцца ў рэспублiканскi i мясцовыя бюджэты ў адпаведнасцi з заканадаўчымi актамi Рэспублiкi Беларусь.

3. Падаткi, зборы (пошлiны) i iншыя даходы, указаныя ў пунктах 1 i 2 гэтага артыкула, залiчваюцца ў поўным аб’ёме на рахункi Галоўнага дзяржаўнага казначэйства Мiнiстэрства фiнансаў Рэспублiкi Беларусь i размяркоўваюцца ў адпаведнасцi з гэтым Законам у парадку, якi вызначаецца Мiнiстэрствам фiнансаў Рэспублiкi Беларусь.

Артыкул 5. Прадугледзець у рэспублiканскiм бюджэце на 2005 год паступленнi даходаў у суме 18 256 916 005,0 тыс. рублёў згодна з дадаткам 2.

Артыкул 6. Устанавiць, што ў 2005 годзе:

1. З арганiзацый, вызначаных пунктам 2 артыкула 13 Агульнай часткi Падатковага кодэкса Рэспублiкi Беларусь (далей у гэтым артыкуле, артыкулах 10 i 11 гэтага Закона — арганiзацыi), якiя ажыццяўляюць прадпрымальнiцкую дзейнасць, спаганяюцца надзвычайны падатак па стаўцы 3 працэнты i абавязковыя адлiчэннi ў дзяржаўны фонд садзейнiчання занятасцi па стаўцы 1 працэнт ад фонду заработнай платы. Пры гэтым фiлiялы, прадстаўнiцтвы i iншыя адасобленыя падраздзяленнi беларускiх арганiзацый, якiя маюць асобны баланс i бягучы (разлiковы) цi iншы банкаўскi рахунак, па адпаведных аб’ектах падаткаабкладання выконваюць па- датковыя абавязацельствы гэтых арганiзацый у парадку, устаноўленым гэтым артыкулам.

Арганiзацыi, якiя фiнансуюцца з бюджэту (бюджэтныя арганiзацыi), выплачваюць абавязковыя адлiчэннi ў дзяржаўны фонд садзейнiчання занятасцi ў памеры 0,5 працэнта ад фонду заработнай платы, вылiчанага за кошт сродкаў, атрыманых ад прадпрымальнiцкай дзейнасцi.

Плата надзвычайнага падатку i абавязковых адлiчэнняў у дзяржаўны фонд садзейнiчання занятасцi ажыццяўляецца адзiным плацяжом у памеры 4 працэнтаў. Пры гэтым 75 працэнтаў з паступаючых сум адзiнага плацяжу накiроўваецца ў лiк надзвычайнага падатку i 25 працэнтаў — у лiк абавязковых адлiчэнняў у дзяржаўны фонд садзейнiчання занятасцi ў парадку, устаноўленым Мiнiстэрствам фiнансаў Рэспублiкi Беларусь.

2. Вызваляюцца ад надзвычайнага падатку i абавязковых адлiчэнняў у дзяржаўны фонд садзейнiчання занятасцi:

арганiзацыi, якiя атрымлiваюць сродкi з рэспублiканскага i мясцовых бюджэтаў, у тым лiку па дагаворах на выкананне навукова-даследчых, вопытна-канструктарскiх i вопытна-тэхналагiчных работ, заключаных з арганiзацыямi, якiм гэтыя сродкi выдзелены з бюджэтных крынiц, — у частцы фонду заработнай платы, вылiчанага за кошт указаных сродкаў;

арганiзацыi грамадскiх аб’яднанняў «Беларускае таварыства iнвалiдаў па зроку», «Беларускае таварыства iнвалiдаў», «Беларускае таварыства глухiх», у якiх колькасць iнвалiдаў складае не менш чым 50 працэнтаў ад спiсачнай колькасцi работнiкаў у сярэднiм за справаздачны перыяд, — у частцы фонду заработнай платы, вылiчанага па дзейнасцi, за выключэннем гандлёвай i пасрэднiцкай;

арганiзацыi, якiя ажыццяўляюць прадпрымальнiцкую дзейнасць па вытворчасцi прадукцыi раслiнаводства (акрамя кветак i дэкаратыўных раслiн), жывёлагадоўлi, рыбаводства, пчалярства i прадуктаў дзiцячага харчавання, — у частцы фонду заработнай платы, вылiчанага па гэтай дзейнасцi;

агульнаадукацыйныя школы — у частцы сродкаў, выплачаных вучням за сабраныя макулатуру i металалом;

арганiзацыi, якiя ажыццяўляюць сацыяльна-культурную дзейнасць i атрымлiваюць датацыi (субсiдыi) з рэспублiканскага i (або) мясцовых бюджэтаў на пакрыццё страт ад гэтай дзейнасцi;

грамадскiя аб’яднаннi, якiя не ажыццяўляюць прадпрымальнiцкай дзейнасцi;

калегii адвакатаў;

лячэбна-вытворчыя майстэрнi пры псiхiятрычных, псiханеўралагiчных i процiтуберкулёзных бальнiцах i дыспансэрах;

арганiзацыi, якiя абслугоўваюць сельскую гаспадарку i выконваюць работы (аказваюць паслугi) арганiзацыям, што ажыццяўляюць прадпрымальнiцкую дзейнасць па вытворчасцi прадукцыi раслiнаводства, жывёлагадоўлi, рыбаводства i пчалярства, — за выкананыя работы (аказаныя паслугi). Пералiк указаных работ (паслуг) вызначаецца Саветам Мiнiстраў Рэспублiкi Беларусь;

беларускiя арганiзацыi, якiя ажыццяўляюць прадпрымальнiцкую дзейнасць за межамi Рэспублiкi Беларусь i зарэгiстраваны ў якасцi падаткаплацельшчыкаў iншаземных дзяржаў, — у частцы сродкаў, атрыманых ад ажыццяўлення прадпрымальнiцкай дзейнасцi за межамi Рэспублiкi Беларусь, па якой яны з’яўляюцца падаткаплацельшчыкамi iншаземных дзяржаў;

арганiзацыi — у частцы сум:

надбавак i даплат да тарыфных ставак i службовых акладаў, аплаты дадатковых водпускаў у выпадках, калi такiя надбаўкi i даплаты, аплата дадатковых водпускаў устаноўлены ў адпаведнасцi з заканадаўчымi актамi Рэспублiкi Беларусь па сацыяльнай абароне грамадзян, якiя пацярпелi ад катастрофы на Чарнобыльскай АЭС;

сярэдняга заробку, якi выплачваецца за кошт медыцынскай установы ў адпаведнасцi з гарантыямi для работнiкаў, якiя з’яўляюцца донарамi.

Арганiзацыi, якiя фiнансуюцца з бюджэту (бюджэтныя арганiзацыi), вызваляюцца ад надзвычайнага падатку, у тым лiку ў частцы фонду заработнай платы, вылiчанага за кошт сродкаў, атрыманых ад прадпрымальнiцкай дзейнасцi.

3. Вылiчаныя сумы надзвычайнага падатку i абавязковых адлiчэнняў у дзяржаўны фонд садзейнiчання занятасцi адносяцца на сабекошт прадукцыi, тавараў (работ, паслуг) i ўключаюцца ў затраты па вытворчасцi i рэалiзацыi прадукцыi, тавараў (работ, паслуг), якiя ўлiчваюцца пры падаткаабкладаннi.

4. Парадак вылiчэння, выплаты i тэрмiны прадстаўлення ў падатковыя органы падатковых дэкларацый (разлiкаў) аб сумах вылiчаных надзвычайнага падатку i абавязковых адлiчэнняў у дзяржаўны фонд садзейнiчання занятасцi вызначаюцца Саветам Мiнiстраў Рэспублiкi Беларусь.

5. Захаваць на 2005 год устаноўлены Саветам Мiнiстраў Рэспублiкi Беларусь склад фонду заработнай платы для вылiчэння надзвычайнага падатку i абавязковых адлiчэнняў у дзяржаўны фонд садзейнiчання занятасцi.

6. Правы i абавязкi плацельшчыкаў надзвычайнага падатку, адказнасць за правiльнасць яго вылiчэння i своечасовасць выплаты, парадак спагнання ўказанага плацяжу, а таксама правы па- датковых органаў па кантролю за правiльнасцю яго вылiчэння i своечасовасцю выплаты ўстанаўлiваюцца ў адпаведнасцi з заканадаўствам Рэспублiкi Беларусь.

7. Абавязковыя адлiчэннi ў дзяржаўны фонд садзейнiчання занятасцi iндывiдуальнымi прадпрымальнiкамi ажыццяўляюцца ў парадку, устаноўленым заканадаўствам Рэспублiкi Беларусь.

Артыкул 7. Зацвердзiць на 2005 год наступныя нарматывы адлiчэнняў (у працэнтах) у бюджэты абласцей i г. Мiнска, за выключэннем рэзiдэнтаў свабодных эканамiчных зон, ад:

акцызаў на аўтамабiльнае палiва (акрамя iмпартаванага) — 20;

падатку на дабаўленую вартасць на тавары (работы, паслугi), якiя вырабляюцца на тэрыторыi Рэспублiкi Беларусь, у бюджэты: Брэсцкай вобласцi — 66, Вiцебскай — 47, Гомельскай — 42, Гродзенскай — 58, Мiнскай — 73,8, Магiлёўскай вобласцi — 100, г. Мiнска — 24,0;

падаткаў на даходы i прыбытак у бюджэты: Брэсцкай вобласцi — 60, Вiцебскай — 44, Гомельскай — 33, Гродзенскай — 43, Мiнскай — 39, Магiлёўскай вобласцi — 100, г. Мiнска — 19,4.

Артыкул 8. Устанавiць, што ў 2005 годзе ў поўным аб’ёме залiчваюцца ў бюджэты абласцей i г. Мiнска:

1. Падаткi i зборы:

падаходны падатак з фiзiчных асоб;

падатак на нерухомасць;

зямельны падатак;

плацяжы за выкарыстанне (канфiскацыю, здабычу) прыродных рэсурсаў;

плацяжы за перапрацоўку нафты i нафтапрадуктаў арганiзацыямi, якiя ажыццяўляюць перапрацоўку нафты;

падатак пры спрошчанай сiстэме падаткаабкладання для суб’ектаў малога прадпрымальнiцтва;

акцызы па вiну, напiтках слабаалкагольных i вiнных (акрамя акцызаў, якiя спаганяюцца пры ўвозе на мытную тэрыторыю Рэспублiкi Беларусь, а таксама якiя выплачваюцца ў бюджэты свабодных эканамiчных зон у адпаведнасцi з часткай другой пункта 2 артыкула 4 гэтага Закона);

адзiны падатак з iндывiдуальных прадпрымальнiкаў i iншых фiзiчных асоб;

адзiны падатак для вытворцаў сельскагаспадарчай прадукцыi;

падатак на iгральны бiзнэс;

iншыя падаткi i зборы ў адпаведнасцi з гэтым Законам.

2. Iншыя даходы:

плата за размяшчэнне вонкавай рэкламы;

сродкi, атрыманыя ад рэалiзацыi безгаспадарнай маёмасцi i скарбаў;

арэндная плата за зямельныя ўчасткi, якiя знаходзяцца ў дзяржаўнай уласнасцi, арэндадаўцамi якiх з’яўляюцца мясцовыя выканаўчыя i распарадчыя органы;

iншыя паступленнi ў адпаведнасцi з заканадаўствам Рэспублiкi Беларусь.

Артыкул 9. Устанавiць, што ў 2005 годзе з мясцовых бюджэтаў фiнансуецца да 28 працэнтаў затрат па аказанню жыллёва-камунальных паслуг насельнiцтву ў абласцях i да 18 працэнтаў у г. Мiнску, а таксама да 30 працэнтаў затрат па перавозках гарадскiм пасажырскiм i прыгарадным аўтобусным транспартам у абласцях i да 40 працэнтаў у г. Мiнску.

Артыкул 10. У 2005 годзе:

1. Абласныя, Мiнскi гарадскi Саветы дэпутатаў, Саветы дэпутатаў базавага тэрытарыяльнага ўзроўню маюць права ўводзiць на тэрыторыi адпаведных адмiнiстрацыйна-тэрытарыяльных адзiнак наступныя мясцовыя падаткi i зборы:

1.1. падатак з прадаж тавараў у рознiчным гандлi.

Плацельшчыкамi падатку з прадаж тавараў у рознiчным гандлi з’яўляюцца арганiзацыi i iндывiдуальныя прадпрымальнiкi (за выключэннем iндывiдуальных прадпрымальнiкаў — плацельшчыкаў адзiнага падатку з iндывiдуальных прадпрымальнiкаў i iншых фiзiчных асоб, а таксама iндывiдуальных прадпрымальнiкаў i арганiзацый, якiя прымяняюць спрошчаную сiстэму падаткаабкладання, i арганiзацый, якiя выплачваюць адзiны падатак для вытворцаў сельскагаспадарчай прадукцыi), якiя ажыццяўляюць рознiчны гандаль таварамi праз гандлёвыя i iншыя аб’екты (далей — рознiчная гандлёвая сетка) у адпаведнасцi з заканадаўствам Рэспублiкi Беларусь на тэрыторыi адпаведных адмiнiстрацыйна-тэрытарыяльных адзiнак.

Па падатку з прадаж тавараў у рознiчным гандлi:

аб’ектам падаткаабкладання з’яўляюцца аперацыi па рэалiзацыi ў рознiчнай гандлёвай сетцы тавараў (за выключэннем сацыяльна значных тавараў па пералiку, якi вызначаецца Саветам Мiнiстраў Рэспублiкi Беларусь, а таксама бензiну i дызельнага палiва);

падатковая база вызначаецца як выручка ад рэалiзацыi плацельшчыкамi тавараў зыходзячы з рознiчных цэн без уключэння ў iх падатку з прадаж тавараў у рознiчным гандлi;

падатковыя стаўкi ўстанаўлiваюцца ў памеры, якi не перавышае: пры рэалiзацыi тавараў, увезеных на мытную тэрыторыю Рэспублiкi Беларусь i выпушчаных у свабоднае абарачэнне ў Рэспублiцы Беларусь, — 15 працэнтаў падатковай базы, iншых тавараў — 5 працэнтаў падатковай базы.

Сума падатку з прадаж тавараў у рознiчным гандлi ўстанаўлiваецца як надбаўка да цаны рэалiзуемых тавараў з улiкам падатку на дабаўленую вартасць i выключаецца з выручкi пры вылiчэннi падаткаў, збораў i iншых плацяжоў, якiя выплачваюцца ў бюджэт i дзяржаўныя мэтавыя бюджэтныя фонды;

1.2. падатак на паслугi.

Плацельшчыкамi падатку на паслугi з’яўляюцца арганiзацыi i iндывiдуальныя прадпрымальнiкi (за выключэннем iндывiдуальных прадпрымальнiкаў — плацельшчыкаў адзiнага падатку з iндывiдуальных прадпрымальнiкаў i iншых фiзiчных асоб, а таксама iндывiдуальных прадпрымальнiкаў i арганiзацый, якiя прымяняюць спрошчаную сiстэму падаткаабкладання, i арганiзацый, якiя выплачваюць адзiны падатак для вытворцаў сельскагаспадарчай прадукцыi), якiя ажыццяўляюць на тэрыторыi адпаведных адмiнiстрацыйна-тэрытарыяльных адзiнак аперацыi па аказанню паслуг, што з’яўляюцца аб’ектам падаткаабкладання.

Па падатку на паслугi:

аб’ектам падаткаабкладання з’яўляюцца аперацыi па аказанню арганiзацыямi i iндывiдуальнымi прадпрымальнiкамi паслуг рынкаў, кiрмашоў, выставак-продажаў; гасцiнiц (кемпiнгаў, матэляў); рэстаранаў (бараў, кафэ); дыскатэк, бiльярдных, боўлiнг-клубаў; цырульняў (салонаў прыгажосцi), салярыяў, касметычных салонаў, якiя аказваюць касметалагiчныя паслугi; з нерухомай маёмасцю; сотавай радыётэлефоннай i радыёпейджынгавай сувязi; кабельнага тэлебачання; па тэхнiчнаму абслугоўванню i рамонту транспартных сродкаў; турыстычных паслуг;

падатковая база вызначаецца як выручка ад рэалiзацыi плацельшчыкамi паслуг без уключэння ў iх падатку на паслугi;

падатковыя стаўкi ўстанаўлiваюцца ў памеры, якi не перавышае 10 працэнтаў падатковай базы.

Сума падатку на паслугi ўстанаўлiваецца як надбаўка да цаны рэалiзуемых паслуг з улiкам падатку на дабаўленую вартасць i выключаецца з выручкi пры вылiчэннi падаткаў, збораў i iншых плацяжоў, якiя выплачваюцца ў бюджэт i дзяржаўныя мэтавыя бюджэтныя фонды;

1.3. мэтавыя зборы (транспартны збор на абнаўленне i аднаўленне транспарту агульнага карыстання, якi выкарыстоўваецца на маршрутах у гарадскiх пасажырскiх, прыгарадных i мiжгароднiх аўтобусных зносiнах, збор на ўтрыманне i развiццё iнфраструктуры горада (раёна.

Плацельшчыкамi мэтавых збораў з’яўляюцца арганiзацыi i iндывiдуальныя прадпрымальнiкi (за выключэннем iндывiдуальных прадпрымальнiкаў — плацельшчыкаў адзiнага падатку з iндывiдуальных прадпрымальнiкаў i iншых фiзiчных асоб, а таксама iндывiдуальных прадпрымальнiкаў i арганiзацый, якiя прымяняюць спрошчаную сiстэму падаткаабкладання, i арганiзацый, якiя выплачваюць адзiны падатак для вытворцаў сельскагаспадарчай прадукцыi).

Па мэтавых зборах:

аб’ектам падаткаабкладання з’яўляецца ажыццяўленне прадпрымальнiцкай дзейнасцi на тэрыторыi адпаведных адмiнiстрацыйна-тэрытарыяльных адзiнак;

падатковая база вызначаецца:

для плацельшчыкаў-арганiзацый — як сума прыбытку, якая застаецца ў распараджэннi арганiзацыi пасля падаткаабкладання;

для плацельшчыкаў — iндывiдуальных прадпрымальнiкаў — як сума даходу, якая застаецца ў распараджэннi iндывiдуальнага прадпрымальнiка пасля падаткаабкладання;

падатковыя стаўкi ўстанаўлiваюцца ў памеры, якi не перавышае (па сукупнасцi) 4 працэнтаў падатковай базы.

Выплата мэтавых збораў плацельшчыкамi ажыццяўляецца за кошт прыбытку (даходу), якi застаецца ў iх распараджэннi пасля падаткаабкладання.

Парадак выплаты мэтавых збораў арганiзацыямi, якiя маюць фiлiялы, прадстаўнiцтвы i iншыя адасобленыя падраздзяленнi, устанаўлiваецца Мiнiстэрствам па падатках i зборах Рэспублiкi Беларусь i Мiнiстэрствам фiнансаў Рэспублiкi Беларусь;

1.4. зборы з карыстальнiкаў.

Плацельшчыкамi збораў з карыстальнiкаў з’яўляюцца арганiзацыi, iндывiдуальныя прадпрымальнiкi i фiзiчныя асобы (за выключэннем iндывiдуальных прадпрымальнiкаў — плацельшчыкаў адзiнага падатку з iндывiдуальных прадпрымальнiкаў i iншых фiзiчных асоб, а таксама iндывiдуальных прадпрымальнiкаў i арганiзацый, якiя прымяняюць спрошчаную сiстэму падаткаабкладання, i арганiзацый, якiя выплачваюць адзiны падатак для вытворцаў сельскагаспадарчай прадукцыi).

Па зборах з карыстальнiкаў:

аб’ектамi падаткаабкладання з’яўляюцца:

паркоўка (стаянка) у спецыяльна абсталяваных месцах;

ажыццяўленне гандлю на тэрыторыi адпаведных адмiнiстрацыйна-тэрытарыяльных адзiнак;

валоданне сабакамi i (або) выкарыстанне iх у прадпрымальнiцкай дзейнасцi;

выкарыстанне мясцовай сiмволiкi;

правядзенне аўкцыёнаў, акрамя праводзiмых у адпаведнасцi з заканадаўствам Рэспублiкi Беларусь;

ажыццяўленне палявання i рыбалоўства;

будаўнiцтва аб’ектаў на тэрыторыi адпаведных адмiнiстрацыйна-тэрытарыяльных адзiнак;

падатковая база вызначаецца ў залежнасцi ад аб’екта падаткаабкладання;

падатковыя стаўкi ўстанаўлiваюцца ў залежнасцi ад аб’екта падаткаабкладання ў працэнтах ад падатковай базы i (або) у памерах, кратных базавай велiчынi.

Выплата збораў з карыстальнiкаў арганiзацыямi i iндывiдуальнымi прадпрымальнiкамi ажыццяўляецца за кошт прыбытку (даходу), якi застаецца ў iх распараджэннi пасля падаткаабкладання;

1.5. збор з нарыхтоўшчыкаў.

Плацельшчыкамi збору з нарыхтоўшчыкаў з’яўляюцца арганiзацыi i iндывiдуальныя прадпрымальнiкi (за выключэннем iндывiдуальных прадпрымальнiкаў i арганiзацый, якiя прымяняюць спрошчаную сiстэму падаткаабкладання, i арганiзацый, якiя выплачваюць адзiны падатак для вытворцаў сельскагаспадарчай прадукцыi).

Па збору з нарыхтоўшчыкаў:

аб’ектам падаткаабкладання з’яўляецца ажыццяўленне прамысловай нарыхтоўкi (закупкi) дзiкарослых раслiн (iх частак), грыбоў, тэхнiчнай i лекавай сыравiны раслiннага паходжання, сельскагаспадарчай прадукцыi ў мэтах iх прамысловай перапрацоўкi цi рэалiзацыi;

падатковая база вызначаецца як кошт аб’ёму нарыхтоўкi (закупкi), вызначаная зыходзячы з нарыхтоўчых (закупачных) цэн;

падатковыя стаўкi ўстанаўлiваюцца ў залежнасцi ад вiду нарыхтаванай (закупленай) прадукцыi i не могуць перавышаць 5 працэнтаў падатковай базы.

Сума збору з нарыхтоўшчыкаў адносiцца на сабекошт прадукцыi, тавараў (работ, паслуг) i ўключаецца ў затраты па вытворчасцi i рэалiзацыi прадукцыi, тавараў (работ, паслуг), якiя ўлiчваюцца пры падаткаабкладаннi.

Збор з нарыхтоўшчыкаў не выплачваецца, калi пры нарыхтоўцы дзiкарослых раслiн (iх частак), грыбоў, тэхнiчнай i лекавай сыравiны раслiннага паходжання адпаведнай арганiзацыяй цi iндывiдуальным прадпрымальнiкам унесена плата за пабочнае лясное карыстанне;

1.6. курортны збор.

Плацельшчыкамi курортнага збору з’яўляюцца фiзiчныя асобы, якiя знаходзяцца ў санаторна-курортных i аздараўленчых установах, за выключэннем накiроўваемых на аздараўленне i санаторна-курортнае лячэнне бясплатна ў адпаведнасцi з заканадаўствам Рэспублiкi Беларусь.

Па курортнаму збору:

аб’ектам падаткаабкладання з’яўляецца знаходжанне фiзiчнай асобы ў санаторна-курортных i аздараўленчых установах, размешчаных на тэрыторыi адпаведных адмiнiстрацыйна-тэрытарыяльных адзiнак;

падатковая база вызначаецца зыходзячы з кошту пуцёўкi ў санаторна-курортныя i аздараўленчыя ўстановы;

падатковыя стаўкi ўстанаўлiваюцца ў залежнасцi ад вiду санаторна-курортнай i аздараўленчай установы i не могуць перавышаць 3 працэнтаў падатковай базы;

1.7. зборы з фiзiчных асоб пры перасячэннi iмi Дзяржаўнай гранiцы Рэспублiкi Беларусь праз пункты пропуску.

Плацельшчыкамi збораў з фiзiчных асоб пры перасячэннi iмi Дзяржаўнай гранiцы Рэспублiкi Беларусь праз пункты пропуску з’яўляюцца грамадзяне Рэспублiкi Беларусь, замежныя грамадзяне i асобы без грамадзянства.

Па зборах з фiзiчных асоб пры перасячэннi iмi Дзяржаўнай гранiцы Рэспублiкi Беларусь праз пункты пропуску аб’ектам падаткаабкладання з’яўляецца перасячэнне фiзiчнымi асобамi Дзяржаўнай гранiцы Рэспублiкi Беларусь праз пункты пропуску пры выездзе за межы Рэспублiкi Беларусь цi пры ўездзе на яе тэрыторыю.

Прэзiдэнт Рэспублiкi Беларусь устанаўлiвае iншыя элементы абкладання зборам з фiзiчных асоб пры перасячэннi iмi Дзяржаўнай гранiцы Рэспублiкi Беларусь праз пункты пропуску, уключаючы парадак i тэрмiны яго выплаты, па прапановах Савета Мiнiстраў Рэспублiкi Беларусь, узгодненых з абласнымi i Мiнскiм гарадскiм выканаўчымi камiтэтамi i iншымi зацiкаўленымi дзяржаўнымi органамi;

1.8. падатак на набыццё бензiну i дызельнага палiва.

Плацельшчыкамi падатку на набыццё бензiну i дызельнага палiва з’яўляюцца арганiзацыi, iндывiдуальныя прадпрымальнiкi i фiзiчныя асобы, якiя набываюць бензiн i дызельнае палiва на тэрыторыi адпаведных адмiнiстрацыйна-тэрытарыяльных адзiнак (за выключэннем iндывiдуальных прадпрымальнiкаў — плацельшчыкаў адзiнага падатку з iндывiдуальных прадпрымальнiкаў i iншых фiзiчных асоб, iндывiдуальных прадпрымальнiкаў i арганiзацый, якiя прымяняюць спрошчаную сiстэму падаткаабкладання, арганiзацый, якiя выплачваюць адзiны падатак для вытворцаў сельскагаспадарчай прадукцыi, а таксама сельскагаспадарчых арганiзацый, нарыхтоўчых i арганiзацый, якiя абслугоўваюць сельскую гаспадарку i маюць спецыялiзаваныя механiзаваныя атрады па аказанню паслуг сельскагаспадарчым арганiзацыям).

Па падатку на набыццё бензiну i дызельнага палiва:

аб’ектамi падаткаабкладання з’яўляюцца аперацыi па набыццю бензiну i дызельнага палiва;

падатковая база вызначаецца як кошт бензiну i дызельнага палiва зыходзячы з цэн рэалiзацыi без уключэння ў iх падатку на набыццё бензiну i дызельнага палiва;

падатковыя стаўкi ўстанаўлiваюцца ў памеры 10 працэнтаў кошту бензiну i дызельнага палiва.

Сума падатку на набыццё бензiну i дызельнага палiва ўстанаўлiваецца як надбаўка да цаны рэалiзуемых бензiну i дызельнага палiва з улiкам падатку на дабаўленую вартасць i выключаецца з выручкi пры вылiчэннi падаткаў, збораў i iншых плацяжоў, што выплачваюцца ў бюджэт i дзяржаўныя мэтавыя бюджэтныя фонды.

Падатак на набыццё бензiну i дызельнага палiва вылiчваецца, утрымлiваецца i пералiчваецца ў бюджэт арганiзацыямi i iндывiдуальнымi прадпрымальнiкамi, якiя ажыццяўляюць iх рэалiзацыю, за кошт сродкаў арганiзацый, iндывiдуальных прадпрымальнiкаў i фiзiчных асоб, якiя набываюць бензiн i дызельнае палiва. Арганiзацыi i iндывiдуальныя прадпрымальнiкi, якiя вылiчваюць, утрымлiваюць i пералiчваюць у бюджэт указаны падатак, прызнаюцца падатковымi агентамi, маюць правы i нясуць абавязкi, устаноўленыя артыкулам 23 Агульнай часткi Падатковага кодэкса Рэспублiкi Беларусь.

Падатковыя агенты пералiчваюць утрыманыя сумы падатку ў абласныя бюджэты i бюджэт г. Мiнска па месцы пастаноўкi на ўлiк плацельшчыкаў, а пры рознiчным продажы (рэалiзацыi) бензiну i дызельнага палiва — у абласныя бюджэты i бюджэт г. Мiнска, на тэрыторыi якiх размешчаны аб’екты рознiчнага продажу бензiну i дызельнага палiва.

Пералiчэнне ўтрыманых сум падатку ў даход мясцовых бюджэтаў падатковымi агентамi ажыццяўлецца ў тэрмiны, устаноўленыя Саветам Мiнiстраў Рэспублiкi Беларусь.

У выпадку набыцця бензiну i дызельнага палiва з падаткам на набыццё бензiну i дызельнага палiва ў мэтах далейшай iх рэалiзацыi наступная аплата гэтага падатку не робiцца.

2. У 2005 годзе абласныя, Мiнскi гарадскi Саветы дэпутатаў, Саветы дэпутатаў базавага тэрытарыяльнага ўзроўню не маюць права ўводзiць iншыя мясцовыя падаткi i зборы, акрамя ўказаных у пункце 1 гэтага артыкула, а таксама ўстанаўлiваць узносы i плацяжы ў адпаведныя мясцовыя бюджэты, мясцовыя мэтавыя бюджэтныя i пазабюджэтныя фонды, якiя маюць прыметы падаткаў, збораў (пошлiн), калi iншае не ўстаноўлена гэтым Законам.

3. Мясцовыя падаткi i зборы, указаныя ў падпунктах 1.1—1.3, 1.5, 1.7 i 1.8 пункта 1 гэтага артыкула, уводзяцца абласнымi, Мiнскiм гарадскiм Саветамi дэпутатаў i залiчваюцца ў адпаведныя бюджэты абласцей i г. Мiнска.

Мясцовыя зборы, указаныя ў падпунктах 1.4 i 1.6 пункта 1 гэтага артыкула, уводзяцца Мiнскiм гарадскiм Саветам дэпутатаў, Саветамi дэпутатаў базавага тэрытарыяльнага ўзроўню i залiчваюцца ў адпаведныя бюджэты.

Пры ўвядзеннi мясцовых падаткаў i збораў мясцовыя Саветы дэпутатаў вызначаюць плацельшчыкаў, аб’екты падаткаабкладання, падатковую базу, па-датковыя стаўкi, падатковы перыяд, парадак падлiку, парадак i тэрмiны аплаты мясцовых падаткаў i збораў, а таксама тэрмiны прадстаўлення ў падатковыя органы падатковых дэкларацый (разлiкаў) па мясцовых падатках i зборах, калi iншае не ўстаноўлена гэтым артыкулам.

Мясцовыя Саветы дэпутатаў у адпаведнасцi з заканадаўствам Рэспублiкi Беларусь могуць прадугледжваць па- датковыя льготы па мясцовых падатках i зборах, калi iншае не ўстаноўлена гэтым артыкулам.

4. Кантроль за правiльнасцю падлiку, паўнатой i своечасовасцю аплаты мясцовых падаткаў i збораў ускладаецца на падатковыя органы, адпаведныя рэспублiканскiя органы дзяржаўнага кiравання, органы мясцовага кiравання i самакiравання.

5. Правы i абавязкi плацельшчыкаў мясцовых падаткаў i збораў, адказнасць за правiльнасць iх падлiку, паўнату i своечасовасць аплаты, парадак iх спагнання, а таксама правы падатковых органаў па кантролю за правiльнасцю iх падлiку i своечасовасцю аплаты ўстанаўлiваюцца ў адпаведнасцi з заканадаўствам Рэспублiкi Беларусь.

Артыкул 11. У 2005 годзе:

1. Устанаўлiваюцца:

збор на фiнансаванне расходаў, звязаных з утрыманнем i рамонтам жыллёвага фонду;

збор у мясцовыя мэтавыя бюджэтныя жыллёва-iнвестыцыйныя фонды, утвараемыя абласнымi i Мiнскiм гарадскiм Саветамi дэпутатаў;

збор у рэспублiканскi фонд падтрымкi вытворцаў сельскагаспадарчай прадукцыi, харчавання i аграрнай навукi.

2. Збор на фiнансаванне расходаў, звязаных з утрыманнем i рамонтам жыллёвага фонду, уводзiцца абласнымi i Мiнскiм гарадскiм Саветамi дэпутатаў i накiроўваецца на расходы па ўтрыманню i рамонту жыллёвага фонду арганiзацый незалежна ад арганiзацыйна-прававой формы, прывядзенню ў належны тэхнiчны стан аб’ектаў iнжынернай iнфраструктуры, якiя яго абслугоўваюць i прыняты на баланс мясцовых Саветаў дэпутатаў, i на субсiдыi арганiзацыям i грамадзянам па пакрыццю часткi расходаў, звязаных з аказаннем жыллёва-камунальных паслуг насельнiцтву.

3. З арганiзацый спаганяюцца: збор на фармiраванне мясцовых мэтавых бюджэтных жыллёва-iнвестыцыйных фондаў — па стаўцы 0,4 працэнта, збор у рэспублiканскi фонд падтрымкi вытворцаў сельскагаспадарчай прадукцыi, харчавання i аграрнай навукi — па стаўцы 2 працэнты, падатак з карыстальнiкаў аўтамабiльных дарог — па стаўцы 1 працэнт i збор на фiнансаванне расходаў, звязаных з утрыманнем i рамонтам жыллёвага фонду, — па стаўцы 0,5 працэнта ад выручкi, атрыманай ад рэалiзацыi тавараў (работ, паслуг) (банкамi i нябанкаўскiмi крэдытна-фiнансавымi арганiзацыямi, за выключэннем Нацыянальнага банка Рэспублiкi Беларусь, — ад даходу за вылiкам расходаў па выплаце працэнтаў, камiсiйных i iншых банкаўскiх расходаў; арганiзацыямi незалежна ад арганiзацыйна-прававой формы, якiя ажыццяўляюць гандлёвую, нарыхтоўчую дзейнасць i дзейнасць па прадастаўленню паслуг грамадскага харчавання, — ад валавога даходу; страхавымi арганiзацыямi — ад балансавага прыбытку). Пры гэтым фiлiялы, прадстаўнiцтвы i iншыя адасобленыя падраздзяленнi беларускiх арганiзацый, якiя маюць асобны баланс i бягучы (разлiковы) або iншы банкаўскi рахунак, па адпаведных аб’ектах падаткаабкладання выконваюць падатковыя абавязацельствы гэтых арганiзацый у парадку, устаноўленым гэтым артыкулам.

Аплата збору на фармiраванне мясцовых мэтавых бюджэтных жыллёва-iнвестыцыйных фондаў, збору ў рэспублiканскi фонд падтрымкi вытворцаў сельскагаспадарчай прадукцыi, харчавання i аграрнай навукi, падатку з карыстальнiкаў аўтамабiльных дарог у дарожныя фонды i збору на фiнансаванне расходаў, звязаных з утрыманнем i рамонтам жыллёвага фонду, робiцца адзiным плацяжом у памеры 3,9 працэнта.

Адзiны плацеж, указаны ў частцы другой гэтага пункта, размяркоўваецца ў парадку, устаноўленым Мiнiстэрствам фiнансаў Рэспублiкi Беларусь:

у рэспублiканскi фонд падтрымкi вытворцаў сельскагаспадарчай прадукцыi, харчавання i аграрнай навукi — 51 працэнт;

у дарожныя фонды на фармiраванне падатку з карыстальнiкаў аўтамабiльных дарог — 26 працэнтаў;

у бюджэты абласцей i г. Мiнска на фармiраванне збору на фiнансаванне расходаў, звязаных з утрыманнем i рамонтам жыллёвага фонду, — 13 працэнтаў, мясцовых мэтавых бюджэтных жыллёва-iнвестыцыйных фондаў — 10 працэнтаў.

4. Накiроўваць сродкi мясцовых мэтавых бюджэтных жыллёва-iнвестыцыйных фондаў:

4.1. абласным Саветам дэпутатаў:

на фiнансаванне будаўнiцтва (рэканструкцыi) i набыцця жылых памяшканняў арганiзацыям, якiя ажыццяўляюць прадпрымальнiцкую дзейнасць па вырабу прадукцыi раслiнаводства, жывёлагадоўлi, рыбаводства i пчалярства, для грамадзян, якiя пастаянна пражываюць i працуюць у сельскай мясцовасцi, i (або) прадастаўленне крэдытаў на будаўнiцтва (рэканструкцыю) i набыццё жылых памяшканняў гэтым арганiзацыям для грамадзян, якiя пастаянна пражываюць i працуюць у сельскай мясцовасцi;

на будаўнiцтва аб’ектаў iнжынерна-транспартнай iнфраструктуры для раёнаў жылой забудовы ў адпаведнасцi з заканадаўствам Рэспублiкi Беларусь;

4.2. Мiнскаму гарадскому Савету дэпутатаў:

на прадастаўленне крэдытаў грамадзянам, якiя ажыццяўляюць будаўнiцтва (рэканструкцыю) i набыццё жылых памяшканняў, а таксама на будаўнiцтва аб’ектаў iнжынерна-транспартнай iнфраструктуры для раёнаў жылой забудовы ў адпаведнасцi з заканадаўствам Рэспублiкi Беларусь;

30 працэнтаў у фонды абласных Саветаў дэпутатаў (па 5 працэнтаў у кожны) для будаўнiцтва жылых памяшканняў у сельскай мясцовасцi;

4.3. абласным i Мiнскаму гарадскому Саветам дэпутатаў — на будаўнiцтва (набыццё) жылых памяшканняў для перасялення ва ўстаноўленым парадку грамадзян са зносiмых i пераабсталёўваемых для выкарыстання ў iншых мэтах старых i непрыгодных для пражывання жылых дамоў.

Неабгрунтаванае атрыманне цi выкарыстанне не па мэтаваму прызначэнню або з парушэннем заканадаўства Рэспублiкi Беларусь сродкаў жыллёва-iнвестыцыйных фондаў i збору на фiнансаванне расходаў, звязаных з утрыманнем i рамонтам жыллёвага фонду, цягнуць адказнасць у адпаведнасцi з заканадаўствам Рэспублiкi Беларусь.

5. Вызвалiць:

5.1. ад аплаты збору на фармiраванне мясцовых мэтавых бюджэтных жыллёва-iнвестыцыйных фондаў, збору ў рэспублiканскi фонд падтрымкi вытворцаў сельскагаспадарчай прадукцыi, харчавання i аграрнай навукi, падатку з карыстальнiкаў аўтамабiльных дарог i збору на фiнансаванне расходаў, звязаных з утрыманнем i рамонтам жыллёвага фонду:

арганiзацыi, якiя ажыццяўляюць прадпрымальнiцкую дзейнасць па вырабу прадукцыi раслiнаводства (акрамя кветак i дэкаратыўных раслiн), жывёлагадоўлi, рыбаводства, пчалярства i прадуктаў дзiцячага харчавання, — у частцы выручкi ад гэтай дзейнасцi;

арганiзацыi бытавога абслугоўвання - у частцы выручкi ад рэалiзацыi бытавых паслуг комплекснымi прыёмнымi пунктамi, размешчанымi ў сельскай мясцовасцi;

лячэбна-вытворчыя майстэрнi пры псiхiятрычных, псiханеўралагiчных i процiтуберкулёзных бальнiцах i дыспансэрах;

арганiзацыi спажывецкай кааперацыi;

арганiзацыi, якiя абслугоўваюць сельскую гаспадарку i выконваюць работы (аказваюць паслугi) арганiзацыям, што ажыццяўляюць прадпрымальнiцкую дзейнасць па вырабу прадукцыi раслiнаводства, жывёлагадоўлi, рыбаводства i пчалярства, — у частцы выручкi ад выкананых работ (аказаных паслуг), вызначаемых у адпаведнасцi з абзацам дзесятым пункта 2 артыкула 6 гэтага Закона;

арганiзацыi — у частцы выручкi ад рэалiзацыi работ (паслуг) фiзiчным асобам, якiя ажыццяўляюць вядзенне асабiстай падсобнай гаспадаркi. Пералiк такiх работ (паслуг) вызначаецца Саветам Мiнiстраў Рэспублiкi Беларусь;

арганiзацыi, якiя ажыццяўляюць навуковую дзейнасць, — у частцы выручкi ад рэалiзацыi навукова-даследчых, вопытна-канструктарскiх i вопытна-тэхналагiчных работ, выкананых за кошт сродкаў рэспублiканскага або мясцовых бюджэтаў, уключаючы грашовыя сродкi па дагаворах, заключаных з арганiзацыямi, якiм гэтыя сродкi выдзелены з бюджэту;

арганiзацыi — у частцы выручкi ад рэалiзацыi санаторна-курортных пуцёвак, а таксама пуцёвак у аздараўленчыя ўстановы Рэспублiкi Беларусь па пералiку аздараўленчых устаноў Рэспублiкi Беларусь, абароты па рэалiзацыi пуцёвак у якiя вызваляюцца ад абкладання падаткам на дабаўленую вартасць, зацверджанаму пастановай Савета Мiнiстраў Рэспублiкi Беларусь ад 31 студзеня 2000 г. № 114 (Нацыянальны рэестр прававых актаў Рэспублiкi Беларусь, 2000 г., № 14, 5/2528, № 53, 5/3285);

органы i падраздзяленнi па надзвычайных сiтуацыях — у частцы выручкi ад аказання платных паслуг па абслугоўванню арганiзацый пажарнымi аварыйна-выратавальнымi падраздзяленнямi;

арганiзацыi, фiнансуемыя з бюджэту (бюджэтныя арганiзацыi), — у частцы сродкаў, выдзяляемых з рэспублiканскага i мясцовых бюджэтаў;

арганiзацыi — у частцы выдзяляемых з рэспублiканскага i (або) мясцовых бюджэтаў субсiдый i датацый;

5.2. ад аплаты збору ў рэспублiканскi фонд падтрымкi вытворцаў сельскагаспадарчай прадукцыi, харчавання i аграрнай навукi i падатку з карыстальнiкаў аўтамабiльных дарог;

арганiзацыi — рэзiдэнты свабодных эканамiчных зон у рамках дзеяння спецыяльнага прававога рэжыму свабодных эканамiчных зон — у частцы выручкi ад рэалiзацыi тавараў (работ, паслуг) за межы Рэспублiкi Беларусь;

арганiзацыi, якiя ажыццяўляюць будаўнiцтва, рэканструкцыю, рамонт i ўтрыманне аўтамабiльных дарог агульнага карыстання, — у частцы выручкi ад рэалiзацыi работ па будаўнiцтву, рэканструкцыi, рамонту i ўтрыманню аўтамабiльных дарог агульнага карыстання;

5.3. ад аплаты падатку з карыстальнiкаў аўтамабiльных дарог арганiзацыi — у частцы выручкi, атрыманай ад выканання работ па будаўнiцтву дамоў (кватэр) для вытворцаў сельскагаспадарчай прадукцыi (камерцыйных арганiзацый, якiя займаюцца вырабам сельскагаспадарчай прадукцыi).

6. З улiкам асаблiвасцяў дзейнасцi асобных арганiзацый вылiчэнне ўказаных у пункце 3 гэтага артыкула плацяжоў робiцца:

арганiзацыямi, якiя маюць унутраныя абароты, — без улiку гэтых абаротаў;

арганiзацыямi грамадскага харчавання — ад валавога даходу без улiку даходаў ад уласнай вытворчасцi;

арганiзацыямi бытавога абслугоўвання насельнiцтва, адасобленымi падраздзяленнямi арганiзацый, якiя аказваюць бытавыя паслугi насельнiцтву, — ад аб’ёму рэалiзацыi тавараў (работ, паслуг) без улiку кошту аплачаных насельнiцтвам матэрыялаў i запасных частак;

арганiзацыямi жыллёва-камунальнай гаспадаркi i эксплуатацыйнымi арганiзацыямi — ад выручкi, атрыманай за аказаныя жыллёва-камунальныя i эксплуатацыйныя паслугi, без улiку даходаў ад платы насельнiцтва за карыстанне (тэхнiчнае абслугоўванне) жылымi памяшканнямi i камунальнымi паслугамi, а таксама платы за iнтэрнат;

беларускiмi арганiзацыямi, якiя ажыццяўляюць прадпрымальнiцкую дзейнасць за межамi Рэспублiкi Беларусь i зарэгiстраванымi ў якасцi падаткаплацельшчыкаў замежных дзяржаў, — без улiку сродкаў, атрыманых ад ажыццяўлення прадпрымальнiцкай дзейнасцi за межамi Рэспублiкi Беларусь, па якой яны з’яўляюцца падаткаплацельшчыкамi замежных дзяржаў;

арганiзацыямi, якiя набываюць тавары i ажыццяўляюць iх перапрацоўку, за выключэннем дастатковай перапрацоўкi, у вынiку якой тавары ў адпаведнасцi з заканадаўствам Рэспублiкi Беларусь адносяцца да прадукцыi ўласнай вытворчасцi, — ад валавога даходу.

7. Арганiзацыi, акрамя страхавых арганiзацый, не робяць вылiчэнне ўказаных плацяжоў ад пазарэалiзацыйных i аперацыйных даходаў, за выключэннем даходаў ад здачы маёмасцi ў арэнду, лiзiнг.

8. Сумы падлiчаных плацяжоў улiчваюцца пры фармiраваннi адпускных цэн (тарыфаў) на тавары (работы, паслугi) у адпаведнасцi з артыкулам 49 гэтага Закона.

9. Парадак вылiчэння, аплаты i тэрмiны прадстаўлення ў падатковыя органы падатковых дэкларацый (разлiкаў) аб сумах падлiчаных збору на фармiраванне мясцовых мэтавых бюджэтных жыллёва-iнвестыцыйных фондаў, збору ў рэспублiканскi фонд падтрымкi вытворцаў сельскагаспадарчай прадукцыi, харчавання i аграрнай навукi, падатку з карыстальнiкаў аўтамабiльных дарог i збору на фiнансаванне расходаў, звязаных з утрыманнем i рамонтам жыллёвага фонду, вызначаюцца Саветам Мiнiстраў Рэспублiкi Беларусь.

10. Правы i абавязкi плацельшчыкаў збору на фармiраванне мясцовых мэтавых бюджэтных жыллёва-iнвестыцыйных фондаў, збору ў рэспублiканскi фонд падтрымкi вытворцаў сельскагаспадарчай прадукцыi, харчавання i аграрнай навукi, падатку з карыстальнiкаў аўтамабiльных дарог i збору на фiнансаванне расходаў, звязаных з утрыманнем i рамонтам жыллёвага фонду, адказнасць за правiльнасць iх падлiку, паўнату i своечасовасць аплаты, парадак спагнання ўказаных плацяжоў, а таксама правы падатковых органаў па кантролю за правiльнасцю iх падлiку, паўнатой i своечасовасцю аплаты ўстанаўлiваюцца ў адпаведнасцi з заканадаўствам Рэспублiкi Беларусь.

Артыкул 12. Устанавiць, што ў 2005 годзе:

80 працэнтаў прыбытку Нацыянальнага банка Рэспублiкi Беларусь штомесяц пералiчваецца ў даход рэспублiканскага бюджэту;

даход, атрыманы ад размяшчэння ў банках-нерэзiдэнтах крэдытаў Мiжнароднага валютнага фонду i iншых замежных крэдытаў, атрыманых Урадам Рэспублiкi Беларусь i пад яго гарантыi, у поўным аб’ёме пералiчваецца ў даход рэспублiканскага бюджэту.

Артыкул 13. Зацвердзiць расходы рэспублiканскага бюджэту на 2005 год у суме 19 166 916 005,0 тыс. рублёў па функцыянальнай бюджэтнай класiфiкацыi Рэспублiкi Беларусь па раздзелах i падраздзелах згодна з дадаткам 3.

Устанавiць, што ў 2005 годзе прыярытэтнымi накiрункамi бюджэтна-фiнансавай палiтыкi дзяржавы з’яўляюцца павышэнне дабрабыту насельнiцтва i фiнансаванне аховы здароўя, адукацыi, будаўнiцтва жылля, а таксама мерапрыемстваў, звязаных з лiквiдацыяй наступстваў катастрофы на Чарнобыльскай АЭС.

Артыкул 14. Зацвердзiць на 2005 год:

расходы рэспублiканскага бюджэту на 2005 год па ведамаснай бюджэтнай класiфiкацыi Рэспублiкi Беларусь згодна з дадаткам 4;

пералiк дзяржаўных праграм, фiнансаванне якiх у 2005 годзе прадугледжвае са сродкаў рэспублiканскага бюджэту (без улiку сродкаў на фiнансаванне капiтальных укладанняў), згодна з дадаткам 5;

аб’ём асiгнаванняў на дзяржаўныя капiтальныя ўкладаннi, фiнансаванне якiх у 2005 годзе прадугледжваецца са сродкаў рэспублiканскага бюджэту, згодна з дадаткам 6.

Артыкул 15. Устанавiць пералiк абароненых расходаў па асобных артыкулах рэспублiканскага бюджэту на 2005 год:

заработная плата;

налiчэннi на заработную плату;

трансферты насельнiцтву (стыпендыi, пенсii, дапамогi, безнаяўныя жыллёвыя субсiдыi на патанненне камунальных паслуг i iншыя выплаты насельнiцтву ў адпаведнасцi з заканадаўчымi актамi Рэспублiкi Беларусь);

прадукты харчавання;

медыкаменты i перавязачныя сродкi;

працэнты па дзяржаўнаму доўгу;

пагашэнне дзяржаўнага доўгу;

аплата паслуг навукова-даследчых арганiзацый.

Артыкул 16. Абласным i Мiнскаму гарадскому Саветам дэпутатаў устанавiць пералiк абароненых расходаў па асобных артыкулах мясцовых бюджэтаў на 2005 год:

заработная плата;

налiчэннi на заработную плату;

трансферты насельнiцтву (стыпендыi i iншыя выплаты насельнiцтву ў адпаведнасцi з заканадаўчымi актамi Рэспублiкi Беларусь);

прадукты харчавання;

медыкаменты i перавязачныя сродкi;

пакрыццё затрат па аказанню жыллёва-камунальных паслуг насельнiцтву.

Артыкул 17. Зацвердзiць абаротную касавую наяўнасць па рэспублiканскаму бюджэту на 1 студзеня 2006 года ў суме 2 500 000,0 тыс. рублёў.

Артыкул 18. Устанавiць:

нiжнюю мяжу агульных затрат на навуковую, навукова-тэхнiчную i iнавацыйную дзейнасць у памеры 3 працэнтаў ад расходнай часткi рэспублiканскага бюджэту (без улiку расходаў дзяржаўных мэтавых бюджэтных фондаў, Фонду сацыяльнай абароны насельнiцтва Мiнiстэрства працы i сацыяльнай абароны Рэспублiкi Беларусь, капiтальных укладанняў, а таксама пакрыцця банкам працэнтаў па крэдытах, выдадзеных на жыллёвае будаўнiцтва грамадзянам);

аб’ём фiнансавання фундаментальных, у тым лiку арыентаваных фундаментальных, i прыкладных даследаванняў, навукова-тэхнiчных праграм i праектаў у памеры 235 301 866,0 тыс. рублёў, з iх нарматыў фiнансавання фундаментальных, у тым лiку арыентаваных фундаментальных, i прыкладных даследаванняў у памеры не менш чым 30 працэнтаў.

Расходы на фiнансаванне навуковай, навукова-тэхнiчнай i iнавацыйнай дзейнасцi за кошт сродкаў рэспублiканскага бюджэту на 2005 год па ведамаснай бюджэтнай класiфiкацыi ў межах гадавых асiгнаванняў па функцыянальнай бюджэтнай класiфiкацыi па раздзелах i падраздзелах (дадатак 3) вызначаюцца Саветам Мiнiстраў Рэспублiкi Беларусь.

Артыкул 19. Устанавiць, што ў 2005 годзе плата за карыстанне падручнiкамi навучэнцамi ўстаноў, якiя забяспечваюць атрыманне агульнай сярэдняй адукацыi, i вучэбнымi дапаможнiкамi выхаванцамi ўстаноў, якiя забяспечваюць атрыманне дашкольнай адукацыi, устанаўлiваецца ў залежнасцi ад матэрыяльнага становiшча сем’яў.

Памеры i парадак збiрання ў 2005/06 навучальным годзе платы за карыстанне падручнiкамi навучэнцамi i вучэбнымi дапаможнiкамi выхаванцамi, указанымi ў частцы першай гэтага артыкула, устанаўлiваюцца Саветам Мiнiстраў Рэспублiкi Беларусь.

Артыкул 20. Устанавiць, што ў 2005 годзе фонд фiнансавай падтрымкi адмiнiстрацыйна-тэрытарыяльных адзiнак ствараецца за кошт адлiчэнняў ад падатку на дабаўленую вартасць i падаткаў на даходы i прыбытак, якiя паступаюць у даход рэспублiканскага бюджэту, у памеры 38,3 працэнта i пералiчваецца ў бюджэты абласцей па меры яго фармiравання па нарматывах: Брэсцкай вобласцi — 18,9 працэнта, Вiцебскай — 15,3 працэнта, Гомельскай — 12,6 працэнта, Гродзенскай — 21,6 працэнта, Мiнскай — 19,3 працэнта, Магiлёўскай вобласцi — 12,3 працэнта.

Сродкi фонду фiнансавай падтрымкi адмiнiстрацыйна-тэрытарыяльных адзiнак, перадаваемыя ў бюджэты абласцей, у першачарговым парадку накiроўваюцца на фiнансаванне абароненых расходаў па асобных артыкулах мясцовых бюджэтаў.

Артыкул 21. Устанавiць на 2005 год:

мiнiмальны нарматыў бюджэтнай забяспечанасцi па галiнах невытворчай сферы (за выключэннем аховы здароўя) на аднаго жыхара абласцей у памеры 382 200 рублёў i г. Мiнска ў памеры 389 500 рублёў;

мiнiмальны нарматыў бюджэтнай забяспечанасцi расходаў на ахову здароўя на аднаго жыхара па Рэспублiцы Беларусь (з улiкам сродкаў на лiквiдацыю наступстваў катастрофы на Чарнобыльскай АЭС) у памеры 284 180 рублёў i па бюджэтах абласцей i г. Мiнска ў суме 223 702 рубля, у тым лiку Брэсцкай вобласцi — 231 101 рубель, Вiцебскай — 228 380 рублёў, Гомельскай — 238 147 рублёў, Гродзенскай — 239 004 рублi, Мiнскай — 212 687 рублёў, Магiлёўскай вобласцi — 237 598 рублёў, г. Мiнску — 191 660 рублёў.

Артыкул 22. У 2005 годзе:

1. Перадаць з рэспублiканскага бюджэту ў бюджэты абласцей i г. Мiнска:

субсiдыi на жыллёвае будаўнiцтва, уключаючы субсiдыi (бязвыплатную фiнансавую дапамогу) ваеннаслужачым, звольненым у запас (адстаўку), на будаўнiцтва (рэканструкцыю) або набыццё жылых памяшканняў у суме 24 150 000,0 тыс. рублёў, у тым лiку Брэсцкай вобласцi — 3 888 200,0 тыс. рублёў, Вiцебскай — 2 535 800,0 тыс. рублёў, Гомельскай — 3 550 000,0 тыс. рублёў, Гродзенскай — 2 366 700,0 тыс. рублёў, Мiнскай — 2 584 000,0 тыс. рублёў, Магiлёўскай вобласцi — 2 173 500,0 тыс. рублёў, г. Мiнску — 7 051 800,0 тыс. рублёў;

субвенцыi на будаўнiцтва метрапалiтэна ў г. Мiнску ў суме 7 800 000,0 тыс. рублёў;

субвенцыi на фiнансаванне расходаў, звязаных з ажыццяўленнем г. Мiнскам функцый сталiцы, у суме 50 000 000,0 тыс. рублёў.

2. Абласныя i Мiнскi гарадскi Саветы дэпутатаў накiроўваюць сродкi мясцовых бюджэтаў:

2.1. да 30 працэнтаў субсiдый на жыллёвае будаўнiцтва (абзац другi пункта 1 гэтага артыкула) — на будаўнiцтва iнжынерных сетак;

2.2. на пагашэнне кошту будаўнiцтва, рэканструкцыi або набыцця жылых памяшканняў, запазычанасцi па крэдытах банкаў i пазыках юрыдычных асоб, узятых i выкарыстаных на ўказаныя мэты ў адпаведнасцi з артыкулам 21 Закона Рэспублiкi Беларусь ад 16 красавiка 1992 года «Аб прыватызацыi жыллёвага фонду ў Рэспублiцы Беларусь» (Ведамасцi Вярхоўнага Савета Рэспублiкi Беларусь, 1992 г., № 15, ст. 247) у частцы iндэксацый жыллёвых квот (iмянных прыватызацыйных чэкаў «Жыллё»), налiчаных непасрэдна грамадзянам, членам iх сем’яў, якiя маюць патрэбу ў паляпшэннi жыллёвых умоў;

2.3. на дзяржаўную падтрымку юрыдычным асобам, якiя аказваюць дапамогу грамадзянам, што ажыццяўляюць вядзенне асабiстай падсобнай гаспадаркi;

2.4. на ўтрыманне ведамасных дзiцячых дашкольных устаноў.

Артыкул 23. Устанавiць, што ў 2005 годзе:

1. Даходы рэспублiканскага фонду падтрымкi вытворцаў сельскагаспадарчай прадукцыi, харчавання i аграрнай навукi ўтвараюцца ў суме 1 370 000 000,0 тыс. рублёў, у тым лiку за кошт збору ў рэспублiканскi фонд падтрымкi вытворцаў сельскагаспадарчай прадукцыi, харчавання i аграрнай навукi ў суме 1 360 000 000,0 тыс. рублёў i паступленняў ад вытворцаў сельскагаспадарчай прадукцыi за карыстанне тэхнiкай, атрыманай на ўмовах доўгатэрмiновай арэнды, у суме 10 000 000,0 тыс. рублёў.

2. Канкрэтныя накiрункi i памеры выкарыстання сродкаў рэспублiканскага фонду падтрымкi вытворцаў сельскагаспадарчай прадукцыi, харчавання i аграрнай навукi ў межах расходаў устанаўлiваюцца Прэзiдэнтам Рэспублiкi Беларусь.

Артыкул 24. Устанавiць, што ў 2005 годзе:

1. Даходы рэспублiканскага дарожнага фонду ўтвараюцца ў суме 902 531 250,0 тыс. рублёў згодна з дадаткам 7.

2. У рэспублiканскi дарожны фонд залiчваюцца:

падатак з продажу аўтамабiльнага палiва, спаганяемы па стаўцы 25 працэнтаў;

падатак на набыццё аўтамабiльных транспартных сродкаў;

падатак з карыстальнiкаў аўтамабiльных дарог, зарэгiстраваных у г. Мiнску, у поўным аб’ёме, а таксама 20 працэнтаў падатку з карыстальнiкаў аўтамабiльных дарог, зарэгiстраваных на тэрыторыi адпаведных абласцей, акрамя Мiнскай вобласцi. 80 працэнтаў падатку з карыстальнiкаў аўтамабiльных дарог, зарэгiстраваных на тэрыторыi адпаведных абласцей, акрамя Мiнскай вобласцi, залiчваецца ў мясцовыя дарожныя фонды. У дарожны фонд Мiнскай вобласцi залiчваюцца ў поўным аб’ёме сумы падатку з карыстальнiкаў аўтамабiльных дарог, зарэгiстраваных у Мiнскай вобласцi;

плата за праезд цяжкавагавых i буйнагабарытных аўтамабiльных транспартных сродкаў па аўтамабiльных дарогах агульнага карыстання Рэспублiкi Беларусь;

збор за праезд аўтамабiльных транспартных сродкаў замежных дзяржаў па аўтамабiльных дарогах агульнага карыстання Рэспублiкi Беларусь у памеры 50 працэнтаў;

плата за выдачу дазволаў на праезд аўтатранспартных сродкаў па тэрыторыях замежных дзяржаў i Рэспублiкi Беларусь у памеры 60 працэнтаў;

iншыя сродкi ў адпаведнасцi з заканадаўствам Рэспублiкi Беларусь.

У рэспублiканскi дарожны фонд уключаюцца плата за праезд па аўтамабiльнай дарозе Брэст—Мiнск—гранiца Расiйскай Федэрацыi i плата за праезд цяжкавагавых i буйнагабарытных транспартных сродкаў па ўказанай дарозе.

Парадак залiчэння i ўключэння ў рэспублiканскi дарожны фонд указаных у частцы першай гэтага пункта падаткаў, збораў i iншых даходаў устанаўлiваецца Мiнiстэрствам фiнансаў Рэспублiкi Беларусь.

3. Сродкi рэспублiканскага дарожнага фонду ў суме 902 531 250,0 тыс. рублёў накiроўваюцца згодна з дадаткам 7.

З рэспублiканскага дарожнага фонду прадастаўляюцца:

сродкi абласным Саветам дэпутатаў для выраўноўвання ўзроўню развiцця сеткi мясцовых аўтамабiльных дарог у суме 41 000 000,0 тыс. рублёў, у тым лiку Брэсцкай вобласцi — 4 500 000,0 тыс. рублёў, Вiцебскай — 9 000 000,0 тыс. рублёў, Гомельскай — 4 080 000,0 тыс. рублёў, Гродзенскай — 5 500 000,0 тыс. рублёў, Мiнскай — 10 000 000,0 тыс. рублёў, Магiлёўскай вобласцi — 7 920 000,0 тыс. рублёў;

трансферты Мiнскаму гарадскому Савету дэпутатаў на будаўнiцтва i рамонт праезнай часткi вулiц, якiя з’яўляюцца працягам рэспублiканскiх аўтамабiльных дарог, у памеры 20 працэнтаў ад паступiўшых у рэспублiканскi дарожны фонд сум падатку з карыстальнiкаў аўтамабiльных дарог, зарэгiстраваных у г. Мiнску, у суме 44 370 000,0 тыс. рублёў.

4. Аб’екты i iх фiнансаванне за кошт сродкаў рэспублiканскага дарожнага фонду (за выключэннем аб’ектаў, фiнансаванне якiх прадугледжана ў Дзяржаўнай iнвестыцыйнай праграме) у межах расходаў, прадугледжаных па эканамiчнай (прадметнай) бюджэтнай класiфiкацыi Рэспублiкi Беларусь згодна з дадаткам 7, зацвярджаюцца Саветам Мiнiстраў Рэспублiкi Беларусь па ўзгадненню з Прэзiдэнтам Рэспублiкi Беларусь.

5. Абласнымi Саветамi дэпутатаў да 20 працэнтаў сродкаў мясцовых дарожных фондаў накiроўваецца на рамонт вулiц у гарадах абласнога i раённага падпарадкавання.

Артыкул 25. Устанавiць, што ў 2005 годзе:

1. Даходы дзяржаўнага фонду садзейнiчання занятасцi ўтвараюцца ў суме 131 500 000,0 тыс. рублёў i накiроўваюцца згодна з дадаткам 8.

2. Перавышэнне даходаў дзяржаўнага фонду садзейнiчання занятасцi над расходамi дзяржаўнага фонду садзейнiчання занятасцi, устаноўленымi дадаткам 8, накiраваць на расходы рэспублiканскага бюджэту, у тым лiку 5 працэнтаў паступленняў — у рэзервовы фонд Прэзiдэнта Рэспублiкi Беларусь для мэтавага фiнансавання мерапрыемстваў па сацыяльнай падтрымцы моладзi.

3. Перадаць з рэспублiканскага бюджэту ў бюджэты абласцей i г. Мiнска сродкi дзяржаўнага фонду садзейнiчання занятасцi ў выглядзе бягучых трансфертаў у суме 117 600 000,0 тыс. рублёў, у тым лiку Брэсцкай вобласцi — 19 900 000,0 тыс. рублёў, Вiцебскай — 19 100 000,0 тыс. рублёў, Гомельскай — 16 100 000,0 тыс. рублёў, Гродзенскай — 14 200 000,0 тыс. рублёў, Мiнскай — 18 900 000,0 тыс. рублёў, Магiлёўскай вобласцi — 15 200 000,0 тыс. рублёў, г. Мiнску — 14 200 000,0 тыс. рублёў.

4. Парадак фармiравання i выкарыстання сродкаў дзяржаўнага фонду садзейнiчання занятасцi ўстанаўлiваецца Саветам Мiнiстраў Рэспублiкi Беларусь па ўзгадненню з Прэзiдэнтам Рэспублiкi Беларусь.

Артыкул 26. Устанавiць, што ў 2005 годзе:

1. Сродкi фондаў аховы прыроды залiчваюцца ў мясцовыя бюджэты, за выключэннем сродкаў, накiроўваемых у адпаведнасцi з пунктам 2 гэтага артыкула, i выкарыстоўваюцца ў парадку, устаноўленым заканадаўствам Рэспублiкi Беларусь.

2. У рэспублiканскi фонд аховы прыроды накiроўваецца 20 працэнтаў сродкаў фондаў аховы прыроды.

З Рэспублiканскага фонду аховы прыроды 50 працэнтаў сродкаў накiроўваецца на мэтавае фiнансаванне мерапрыемстваў па ахове жывёльнага i раслiннага свету Дзяржаўнай iнспекцыi аховы жывёльнага i раслiннага свету пры Прэзiдэнце Рэспублiкi Беларусь.

3. Даходы рэспублiканскага фонду аховы прыроды фармiруюцца ў суме 66 000 000,0 тыс. рублёў i накiроўваюцца згодна з дадаткам 9.

Сродкi ў памеры 5 працэнтаў паступленняў у рэспублiканскi фонд аховы прыроды, за выключэннем сродкаў, што накiроўваюцца ў адпаведнасцi з пунктам 2 гэтага артыкула Дзяржаўнай iнспекцыi аховы жывёльнага i раслiннага свету пры Прэзiдэнце Рэспублiкi Беларусь, якiя складаюць перавышэнне даходаў рэспублiканскага фонду аховы прыроды над расходамi рэспублiканскага фонду аховы прыроды, устаноўленымi дадаткам 9, накiраваць у рэзервовы фонд Прэзiдэнта Рэспублiкi Беларусь для мэтавага фiнансавання мерапрыемстваў па сацыяльнай падтрымцы моладзi.

4. Фармiраванне i выкарыстанне сродкаў рэспублiканскага i мясцовых фондаў аховы прыроды ажыццяўляюцца ў парадку, якi ўстаноўлены Саветам Мiнiстраў Рэспублiкi Беларусь.

Памеры выкарыстання сродкаў рэспублiканскага фонду аховы прыроды ўстанаўлiваюцца Саветам Мiнiстраў Рэспублiкi Беларусь, мясцовых фондаў аховы прыроды — абласнымi i Мiнскiм гарадскiм Саветамi дэпутатаў.

Артыкул 27. Устанавiць, што ў 2005 годзе:

1. Даходы Фонду сацыяльнай абароны насельнiцтва Мiнiстэрства працы i сацыяльнай абароны Рэспублiкi Беларусь утвараюцца ў суме 6 747 750 000,0 тыс. рублёў i з улiкам рэшткаў сродкаў указанага Фонду на 1 студзеня 2005 года ў суме 15 079 075,0 тыс. рублёў накiроўваюцца згодна з дадаткам 10.

2. Парадак фармiравання i выкарыстання сродкаў Фонду сацыяльнай абароны насельнiцтва Мiнiстэрства працы i сацыяльнай абароны Рэспублiкi Беларусь устанаўлiваецца Саветам Мiнiстраў Рэспублiкi Беларусь.

Артыкул 28. Устанавiць, што ў 2005 годзе:

1. Фiнансаванне мерапрыемстваў i праграм па энергазберажэнню ажыццяўляецца ў саставе расходаў рэспублiканскага бюджэту ў адпаведнасцi з заканадаўствам за кошт даходаў у суме 300 000,0 тыс. рублёў, якiя паступаюць у рэспублiканскi бюджэт у выглядзе:

плацяжоў за перарасход палiва, электрычнай i цеплавой энергii звыш устаноўленых нормаў (гранiчных узроўняў) спажывання палiўна-энергетычных рэсурсаў;

эканамiчных санкцый за:

несвоечасовую ўстаноўку прыбораў улiку расходу палiўна-энергетычных рэсурсаў;

выкарыстанне палiва, электрычнай i цеплавой энергii без зацверджаных ва ўстаноўленым парадку нормаў iх расходу на вытворчасць адзiнкi прадукцыi (работ, паслуг);

парушэнне правiлаў карыстання электрычнай i цеплавой энергiяй;

iншых плацяжоў у адпаведнасцi з заканадаўствам Рэспублiкi Беларусь.

2. Сродкi фондаў папераджальных (прэвентыўных) мерапрыемстваў, якiя фармiруюцца страхавымi арганiзацыямi за кошт адлiчэнняў ад страхавых узносаў па абавязковаму страхаванню грамадзянскай адказнасцi ўладальнiкаў транспартных сродкаў у адпаведнасцi з Указам Прэзiдэнта Рэспублiкi Беларусь ад 19 лютага 1999 г. № 100 «Аб парадку i ўмовах правядзення абавязковага страхавання грамадзянскай адказнасцi ўладальнiкаў транспартных сродкаў» (Нацыянальны рэестр прававых актаў Рэспублiкi Беларусь, 1999 г., № 17, 1/140; 2004 г., № 109, 1/5668), пералiчваюцца страхавымi арганiзацыямi ў рэспублiканскi бюджэт. Накiрункi выкарыстання сродкаў фондаў папераджальных (прэвентыўных) мерапрыемстваў вызначаюцца Урадам Рэспублiкi Беларусь па ўзгадненню з Прэзiдэнтам Рэспублiкi Беларусь.

Артыкул 29. Устанавiць, што ў 2005 годзе:

1. Сродкi, якiя паступаюць у адпаведнасцi з заканадаўствам Рэспублiкi Беларусь ад юрыдычных асоб i iндывiдуальных прадпрымальнiкаў у лiк пагашэння iмi запазычанасцi за спажытыя энергарэсурсы, якая ўтварылася на 1 лютага 1996 года, пералiчваюцца ў рэспублiканскi бюджэт.

Пратэрмiнаваная запазычанасць юрыдычных асоб за спажытыя энергарэсурсы, якая ўтварылася на 1 лютага 1996 года, за выключэннем адтэрмiнаванай у адпаведнасцi з заканадаўчымi актамi Рэспублiкi Беларусь, сыскваецца Мiнiстэрствам фiнансаў Рэспублiкi Беларусь у неаспрэчным парадку з рахункаў юрыдычных асоб.

2. Сродкi, указаныя ў пункце 1 гэтага артыкула, а таксама сродкi, якiя прадугледжаны ў рэспублiканскiм бюджэце, накiроўваюцца Мiнiстэрствам фiнансаў Рэспублiкi Беларусь юрыдычным асобам на вяртанне сродкаў у замежнай валюце, заблакiраваных у Знешэканомбанку СССР па стану на 1 студзеня 1992 года i аднесеных да ўнутранага дзяржаўнага доўгу.

Юрыдычным асобам, указаным у частцы першай гэтага пункта, можа праводзiцца залiк па непагашанай запазычанасцi дадзеных юрыдычных асоб;

па падатках, зборах i iншых абавязковых плацяжах, а таксама iншых плацяжах (бюджэтных пазыках, крэдытах, выдадзеных пад гарантыi Урада Рэспублiкi Беларусь), а таксама працэнтах i санкцыях па пратэрмiнаваных плацяжах;

па запазычанасцi за спажытыя энергарэсурсы, якая ўтварылася на 1 лютага 1996 года, у тым лiку пры наяўнасцi дагавораў аб пераводзе доўгу або аб уступцы патрабаванняў гэтых юрыдычных асоб.

3. Сродкi ў замежнай валюце, заблакiраваныя па стану на 1 студзеня 1992 года, бюджэтным арганiзацыям не вяртаюцца.

Артыкул 30. Устанавiць, што ў 2005 годзе:

1. Памер прыросту ўнутранага дзяржаўнага доўгу Рэспублiкi Беларусь не можа перавышаць 3 працэнтаў ад валавога ўнутранага прадукту.

2. Запазычанасць па крэдытах, прадастаўленых Нацыянальным банкам Рэспублiкi Беларусь на фiнансаванне дэфiцыту рэспублiканскага бюджэту i аднесеных на ўнутраны дзяржаўны доўг у 1991—2003 гадах, рэструктурызуецца пры дапамозе эмiсii дзяржаўных каштоўных папер у парадку i памерах, якiя ўстаноўлены Саветам Мiнiстраў Рэспублiкi Беларусь i Нацыянальным банкам Рэспублiкi Беларусь.

Артыкул 31. Устанавiць, што ў 2005 годзе:

1. Гранiчны памер гарантый, якiя прадастаўляюцца Урадам Рэспублiкi Беларусь па крэдытах, выдаваемых банкамi Рэспублiкi Беларусь юрыдычным асобам Рэспублiкi Беларусь, складае 200,0 млрд. рублёў.

Гарантыi Урада Рэспублiкi Беларусь не прадастаўляюцца па крэдытах, якiя выдаюцца банкамi Рэспублiкi Беларусь юрыдычным асобам Рэспублiкi Беларусь, што маюць пратэрмiнаваную запазычанасць па плацяжах у бюджэт, дзяржаўныя мэтавыя бюджэтныя фонды, а таксама тым, што не выканалi сваiх абавязацельстваў па раней прадастаўленых крэдытах, выдадзеных пад гарантыi Урада Рэспублiкi Беларусь.

2. На выкананне гарантый, прадастаўленых Урадам Рэспублiкi Беларусь па крэдытах, выдадзеных банкамi Рэспублiкi Беларусь юрыдычным асобам Рэспублiкi Беларусь, накiроўваюцца сродкi, прадугледжаныя ў рэспублiканскiм бюджэце на абслугоўванне ўнутранага дзяржаўнага доўгу i ў рэспублiканскiм фондзе падтрымкi вытворцаў сельскагаспадарчай прадукцыi, харчавання i аграрнай навукi.

На выкананне гарантый, прадастаўленых Урадам Рэспублiкi Беларусь па замежных крэдытах, выдадзеных юрыдычным асобам Рэспублiкi Беларусь, накiроўваюцца сродкi, прадугледжаныя ў рэспублiканскiм бюджэце на абслугоўванне знешняга дзяржаўнага доўгу.

Плацяжы, выкананыя з рэспублiканскага бюджэту ў адпаведнасцi з гарантыямi Урада Рэспублiкi Беларусь, сыскваюцца Мiнiстэрствам фiнансаў Рэспублiкi Беларусь у бясспрэчным парадку з рахункаў юрыдычных асоб — пазычальнiкаў крэдытаў. Мiнiстэрства фiнансаў Рэспублiкi Беларусь мае права зменшыць памер фiнансавання ўказаных асоб, калi яны фiнансуюцца з рэспублiканскага бюджэту, на суму выкананых або падлягаючых выкананню плацяжоў з рэспублiканскага бюджэту ў адпаведнасцi з гарантыямi Урада Рэспублiкi Беларусь.

Юрыдычныя асобы, якiя з’яўляюцца пазычальнiкамi па замежных крэдытах, прыцягваемых пад гарантыi Урада Рэспублiкi Беларусь, плацяць у даход рэспублiканскага бюджэту за прадастаўленне гарантыi Урада Рэспублiкi Беларусь адначасова суму ў замежнай валюце ў памеры 1,5 працэнта ад сумы замежнага крэдыту.

3. Абласныя i Мiнскi гарадскi Саветы дэпутатаў:

зацвярджаюць гранiчны памер гарантый, якiя прадастаўляюцца па крэдытах, што выдаюцца банкамi Рэспублiкi Беларусь юрыдычным асобам Рэспублiкi Беларусь, якi не можа перавышаць 5 працэнтаў аб’ёмаў расходаў адпаведных мясцовых бюджэтаў (за выключэннем крэдытаў, што выдаюцца для развiцця жыллёвага будаўнiцтва на вёсцы);

зацвярджаюць гранiчны памер гарантый, якiя прадастаўляюцца па крэдытах, што выдаюцца банкамi Рэспублiкi Беларусь юрыдычным асобам Рэспублiкi Беларусь для развiцця жыллёвага будаўнiцтва на вёсцы;

прадугледжваюць накiраванне сродкаў мясцовых бюджэтаў на выкананне гарантый, якiя прадастаўлены мясцовымi выканаўчымi i распарадчымi органамi, па крэдытах, выдадзеных банкамi Рэспублiкi Беларусь юрыдычным асобам Рэспублiкi Беларусь.

Артыкул 32. Устанавiць, што ў 2005 годзе бюджэтныя пазыкi за кошт сродкаў рэспублiканскага бюджэту прадастаўляюцца ў межах сродкаў, якiя паступаюць у рэспублiканскi бюджэт ад вяртання раней выдадзеных бюджэтных пазык юрыдычным асобам (за выключэннем абласных i Мiнскага гарадскога выканаўчых камiтэтаў), што не маюць пратэрмiнаванай запазычанасцi па раней прадастаўленых з рэспублiканскага бюджэту на зваротнай аснове сродкаў.

Бюджэтныя пазыкi абласным i Мiнскаму гарадскому выканаўчым камiтэтам прадастаўляюцца Мiнiстэрствам фiнансаў Рэспублiкi Беларусь у выпадку часовых касавых разрываў пры выкананнi бюджэтаў абласцей i г. Мiнска ў адпаведнасцi з заканадаўствам Рэспублiкi Беларусь.

Артыкул 33. Устанавiць лiмiт знешняга дзяржаўнага доўгу Рэспублiкi Беларусь на канец 2005 года ў памеры 2 млрд. долараў ЗША.

Абслугоўванне i пагашэнне знешняга дзяржаўнага доўгу ажыццяўляецца з прыцягненнем сродкаў рэспублiканскага бюджэту па крэдытных лiнiях згодна з дадаткам 12.

Артыкул 34. Устанавiць, што ў 2005 годзе ў даход рэспублiканскага бюджэту паступаюць сродкi, у тым лiку ў замежнай валюце, атрыманыя дзяржаўнымi органамi, iх тэрытарыяльнымi падраздзяленнямi i падначаленымi (падведамнымi) арганiзацыямi, за выключэннем:

сродкаў, якiя атрымлiваюцца Мiнiстэрствам абароны Рэспублiкi Беларусь, Мiнiстэрствам унутраных спраў Рэспублiкi Беларусь, Камiтэтам дзяржаўнай бяспекi Рэспублiкi Беларусь, Дзяржаўным цэнтрам бяспекi iнфармацыi пры Прэзiдэнце Рэспублiкi Беларусь, Дзяржаўным камiтэтам пагранiчных войскаў Рэспублiкi Беларусь, Мiнiстэрствам па надзвычайных сiтуацыях Рэспублiкi Беларусь, а таксама сродкаў, якiя атрымлiваюцца падначаленымi iм воiнскiмi часцямi, арганiзацыямi, органамi i падраздзяленнямi ад рэалiзацыi матэрыяльна-тэхнiчных рэсурсаў, аб’ектаў нерухомасцi, здачы другасных рэсурсаў, аказання платных паслуг;

сродкаў, якiя атрымлiваюцца органамi i ўстановамi крымiнальна-выканаўчай сiстэмы Мiнiстэрства ўнутраных спраў Рэспублiкi Беларусь, а таксама 25 працэнтаў ад сум, якiя ўтрымлiваюцца з асоб, асуджаных да папраўчых работ па прыгавору судоў, на развiццё матэрыяльнай базы i тэхнiчнае аснашчэнне крымiнальна-выканаўчых iнспекцый;

сродкаў, якiя паступаюць у Мiнiстэрства па надзвычайных сiтуацыях Рэспублiкi Беларусь за аказанне платных паслуг па нагляду за бяспечным вядзеннем работ у прамысловасцi i атамнай энергетыцы;

сродкаў, якiя паступаюць у Мiнiстэрства гандлю Рэспублiкi Беларусь у выглядзе платы за арганiзацыю перапрацоўкi адходаў шкляной тары i тары на аснове паперы i кардону;

сродкаў, якiя атрымлiваюць органы дзяржаўнай статыстыкi ад продажу зводнай статыстычнай iнфармацыi, здачы ў арэнду будынкаў, збудаванняў i нежылых памяшканняў, якiя знаходзяцца ў iх на балансе;

сродкаў, якiя паступаюць у дзяржаўныя натарыяльныя канторы за аказанне дадатковых платных паслуг, звязаных з выкананнем натарыяльных дзеянняў;

сродкаў фонду развiцця будаўнiчай навукi;

сродкаў фонду стабiлiзацыi Мiнiстэрства сувязi i iнфарматызацыi Рэспублiкi Беларусь;

сродкаў дзяржаўнага небюджэтнага фонду грамадзянскай авiяцыi Дзяржаўнага камiтэта па авiяцыi Рэспублiкi Беларусь;

сродкаў, якiя паступаюць у Камiтэт па матэрыяльных рэзервах пры Савеце Мiнiстраў Рэспублiкi Беларусь i падначаленыя яму ўстановы ад аказання платных паслуг юрыдычным асобам па часоваму захоўванню тавараў i за запазычанне матэрыяльных каштоўнасцяў дзяржаўнага i мабiлiзацыйнага рэзерваў;

ахвяраванняў юрыдычных i фiзiчных асоб Рэспублiкi Беларусь i iншых дзяржаў, спонсарскiх сродкаў, якiя паступаюць у Мiнiстэрства спорту i турызму Рэспублiкi Беларусь i якiя выкарыстоўваюцца на развiццё фiзiчнай культуры i спорту ў Рэспублiцы Беларусь, а таксама заявачных узносаў замежных удзельнiкаў мiжнародных спартыўных мерапрыемстваў, якiя паступаюць на рахунак Мiнiстэрства спорту i турызму Рэспублiкi Беларусь для правядзення мерапрыемстваў;

сродкаў, атрыманых агульнымi i гаспадарчымi судамi пры прымусовым выкананнi па маёмасных спагнаннях;

сродкаў, якiя паступаюць у замежныя ўстановы Рэспублiкi Беларусь за аказанне консульскiх паслуг;

сродкаў, атрыманых ад здачы ў арэнду будынкаў, збудаванняў i iншых памяшканняў, якiя знаходзяцца ў рэспублiканскай уласнасцi, у адпаведнасцi з заканадаўствам Рэспублiкi Беларусь.

Артыкул 35. Устанавiць, што ў 2005 годзе ваеннаслужачым (акрамя ваеннаслужачых тэрмiновай службы), асобам начальнiцкага i радавога саставу органаў унутраных спраў, органаў фiнансавых расследаванняў Камiтэта дзяржаўнага кантролю Рэспублiкi Беларусь, органаў i падраздзяленняў па надзвычайных сiтуацыях грашовая кампенсацыя ўзамен харчовага пайка ажыццяўляецца ў памеры 58 500 рублёў у месяц.

Артыкул 36. Устанавiць, што ў 2005 годзе:

1. Адкрыццё i абслугоўванне Нацыянальным банкам Рэспублiкi Беларусь i iншымi банкамi рахункаў дзяржаўных органаў i арганiзацый, што фiнансуюцца з бюджэту (бюджэтных арганiзацый), а таксама iншых арганiзацый i iндывiдуальных прадпрымальнiкаў па адкрытых iмi рахунках для размяшчэння бюджэтных сродкаў ажыццяўляюцца без спагнання платы.

За карыстанне грашовымi сродкамi рэспублiканскага i мясцовых бюджэтаў, якiя знаходзяцца i размяшчаюцца на рахунках у банках, у тым лiку ў Нацыянальным банку Рэспублiкi Беларусь, банкi выплачваюць ва ўстаноўленым парадку ў даход адпаведнага бюджэту працэнты па стаўцы не нiжэй за стаўку, якая вызначаецца ў парадку, устаноўленым заканадаўствам Рэспублiкi Беларусь па банкаўскiх укладах да запатрабавання.

2. Залiчэнне на ўкладныя рахункi i выплата, у тым лiку з выкарыстаннем банкаўскiх пластыкавых картак, заработнай платы, пенсiй, дапамог, стыпендый i iншых грашовых выплат, якiя робяцца грамадзянам у адпаведнасцi з заканадаўствам Рэспублiкi Беларусь за кошт сродкаў рэспублiканскага i мясцовых бюджэтаў, ажыццяўляюцца банкамi без спагнання працэнтаў.

3. Абслугоўванне банкамi — агентамi Урада Рэспублiкi Беларусь знешнiх дзяржаўных пазык, якiя пагашаюцца з бюджэтных сродкаў, праводзiцца з выплатай узнагароджання ў памеры не больш чым 0,02 працэнта ад сумы кожнага плацяжу за кошт сродкаў, якiя прадугледжаны ў рэспублiканскiм бюджэце на абслугоўванне знешняга дзяржаўнага доўгу (дадатак 3).

Артыкул 37. Нарматыўныя прававыя акты, якiя цягнуць павелiчэнне або змяншэнне аб’ёму даходаў, расходаў i (або) гранiчнага памеру дэфiцыту, прадугледжаных у рэспублiканскiм бюджэце на 2005 год, прымаюцца Прэзiдэнтам Рэспублiкi Беларусь або з яго згоды.

Артыкул 38. Устанавiць, што ў 2005 годзе:

1. Рэспублiканскiя органы дзяржаўнага кiравання i iншыя дзяржаўныя арганiзацыi, падпарадкаваныя Ураду Рэспублiкi Беларусь, ажыццяўляюць расходы ў межах планавых асiгнаванняў, прадугледжаных у бюджэтным роспiсе, зацверджаным Мiнiстэрствам фiнансаў Рэспублiкi Беларусь.

2. Нарматыўныя прававыя акты, прынятыя (выдадзеныя) да 2005 года, аб выдзяленнi сродкаў або якiя ўстанаўлiваюць парадак фiнансавання ў 2005 годзе, забяспечваюцца фiнансаваннем з:

рэспублiканскага бюджэту ў межах сродкаў, якiя прадугледжаны ў ведамаснай i эканамiчнай (прадметнай) бюджэтных класiфiкацыях расходаў рэспублiканскага бюджэту;

мясцовых бюджэтаў у парадку, якi ўстаноўлены мясцовымi Саветамi дэпутатаў.

3. Савет Мiнiстраў Рэспублiкi Беларусь або па яго даручэнню Мiнiстэрства фiнансаў Рэспублiкi Беларусь могуць уносiць змяненнi ў даходы рэспублiканскага бюджэту ў межах прадугледжаных у дадатку 2 гадавых паступленняў, у расходы рэспублiканскага бюджэту па ведамаснай i эканамiчнай (прадметнай) бюджэтных класiфiкацыях расходаў у межах гадавых асiгнаванняў, прадугледжаных у дадатку 3, а таксама ў памеры крынiц фiнансавання дэфiцыту рэспублiканскага бюджэту, прадугледжаных у дадатку 1.

Артыкул 39. Устанавiць, што ў 2005 годзе:

1. Саветам Мiнiстраў Рэспублiкi Беларусь могуць:

1.1. уносiцца Прэзiдэнту Рэспублiкi Беларусь прапановы аб дзяржаўнай падтрымцы плацельшчыкаў iндывiдуальна ў выглядзе:

змянення ўстаноўленага заканадаўствам тэрмiну выплаты падаткаў, збораў i пеняў;

субсiдый i сродкаў на фiнансаванне капiтальных укладанняў юрыдычным асобам i iндывiдуальным прадпрымальнiкам у межах сум выплачваемых iмi ў рэспублiканскi бюджэт падаткаў, збораў i мытных плацяжоў;

1.2. прымацца рашэннi аб дзяржаўнай падтрымцы ў выглядзе вяртання ў 2005 годзе юрыдычным асобам (пазычальнiкам) часткi працэнтаў за карыстанне банкаўскiм крэдытам у межах расходаў на ўказаныя мэты, прадугледжаных у рэспублiканскiм бюджэце на прамысловасць, iншыя расходы ў галiне сельскай гаспадаркi i iншыя расходы, якiя не аднесены да iншых падраздзелаў:

па крэдытах, атрыманых у беларускiх рублях, — у памеры не больш чым 50 працэнтаў стаўкi рэфiнансавання Нацыянальнага банка Рэспублiкi Беларусь, устаноўленай на дату вяртання працэнтаў;

па крэдытах, атрыманых у замежнай валюце, — у памеры, якi вызначаецца Саветам Мiнiстраў Рэспублiкi Беларусь.

2. Пры аказаннi дзяржаўнай падтрымкi на рэалiзацыю iнвестыцыйных праектаў на ўмовах конкурснага размяшчэння i iншыя мэты ў адпаведнасцi з падпунктам 1.2 пункта 1 гэтага артыкула ствараць (павялiчваць) долю дзяржавы ў статутных фондах недзяржаўных юрыдычных асоб.

3. Грамадскiм аб’яднанням можа аказвацца дзяржаўная падтрымка з рэспублiканскага бюджэту ў адпаведнасцi з зацверджанымi дзяржаўнымi праграмамi па рашэнню Прэзiдэнта Рэспублiкi Беларусь.

Артыкул 40. У выпадку парушэння мясцовымi выканаўчымi i распарадчымi органамi ўстаноўленага заканадаўствам Рэспублiкi Беларусь парадку залiчэння падаткаў, збораў i iншых абавязковых плацяжоў, iншых паступленняў у рэспублiканскi бюджэт, а таксама нямэтавага выкарыстання сродкаў, выдзеленых з рэспублiканскага бюджэту, або наяўнай запазычанасцi па плацяжах у гэты бюджэт, невыканання рашэнняў Урада Рэспублiкi Беларусь, прынятых у межах яго кампетэнцыi, Мiнiстэрству фiнансаў Рэспублiкi Беларусь прыпыняць або змяншаць перадачу з рэспублiканскага бюджэту сродкаў бюджэтам абласцей i г. Мiнска, а таксама праводзiць пагашэнне (вяртанне) такой запазычанасцi за кошт перадаваемых з рэспублiканскага бюджэту сродкаў.

Ажыццяўляць залiк запазычанасцi арганiзацый па падатках, абавязковых i iншых плацяжах у рэспублiканскi бюджэт у межах расходаў рэспублiканскага бюджэту на 2005 год, прадугледжаных у дадатку 3.

Артыкул 41. Пералiк будоўляў i аб’ектаў, якiя фiнансуюцца ў 2005 годзе за кошт сродкаў рэспублiканскага бюджэту, уключаючы аб’екты камунальнай уласнасцi, Дзяржаўнай праграмы Рэспублiкi Беларусь па пераадоленню наступстваў катастрофы на Чарнобыльскай АЭС на 2001—2005 гады i на перыяд да 2010 года, а таксама фiнансуемых за кошт рэспублiканскага фонду аховы прыроды, рэспублiканскага дарожнага фонду i Фонду сацыяльнай абароны насельнiцтва Мiнiстэрства працы i сацыяльнай абароны Рэспублiкi Беларусь (дадатак 6), вызначаюцца ў Дзяржаўнай iнвестыцыйнай праграме на 2005 год, якая зацвярджаецца Прэзiдэнтам Рэспублiкi Беларусь.

Савету Мiнiстраў Рэспублiкi Беларусь удакладняць пры неабходнасцi аб’ёмы фiнансавання будоўляў i аб’ектаў Дзяржаўнай iнвестыцыйнай праграмы на 2005 год у межах адпаведных асiгнаванняў на дзяржаўныя капiтальныя ўкладаннi, прадугледжаных у дадатку 6.

Артыкул 42. У 2005 годзе:

1. Ствараць iнавацыйныя фонды за кошт адлiчэнняў у памеры не больш чым 0,2 працэнта:

1.1. рэспублiканскiм органам дзяржаўнага кiравання (за выключэннем Мiнiстэрства гандлю Рэспублiкi Беларусь), iншым дзяржаўным арганiзацыям, падпарадкаваным Ураду Рэспублiкi Беларусь, Нацыянальнай акадэмii навук Беларусi, абласным i Мiнскаму гарадскому выканаўчым камiтэтам — ад сабекошту прадукцыi, тавараў (работ, паслуг) арганiзацый, якiя знаходзяцца ў iх падпарадкаваннi, у тым лiку гаспадарчых таварыстваў, якiя не ўваходзяць у склад падпарадкаваных Ураду Рэспублiкi Беларусь арганiзацый, але якiя маюць долi (акцыi) дзяржаўнай уласнасцi ў статутных фондах, прапарцыянальна долi дзяржаўнай уласнасцi;

1.2. Мiнiстэрству гандлю Рэспублiкi Беларусь — ад сабекошту прадукцыi, тавараў (работ, паслуг):

арганiзацый, якiя знаходзяцца ў падпарадкаваннi Мiнiстэрства гандлю Рэспублiкi беларусь, у тым лiку гаспадарчых таварыстваў, у адносiнах да якiх Мiнiстэрства гандлю Рэспублiкi Беларусь упаўнаважана кiраваць долямi (акцыямi), што належаць дзяржаве;

арганiзацый, якiя ажыццяўляюць на тэрыторыi Рэспублiкi Беларусь аптовы i рознiчны гандаль таварамi, за выключэннем тавараў, пералiк якiх вызначаецца Саветам Мiнiстраў Рэспублiкi Беларусь, а таксама дзейнасць па бытавому абслугоўванню насельнiцтва i грамадскаму харчаванню незалежна ад формаў уласнасцi (за выключэннем арганiзацый (акрамя гаспадарчых таварыстваў), што адлiчваюць сродкi ў iнавацыйныя фонды, якiя ствараюцца рэспублiканскiмi органамi дзяржаўнага кiравання, iншымi дзяржаўнымi арганiзацыямi, падначаленымi Ураду Рэспублiкi Беларусь, Беларускiм рэспублiканскiм саюзам спажывецкiх таварыстваў, Нацыянальнай акадэмiяй навук Беларусi, абласнымi i Мiнскiм гарадскiм выканаўчымi камiтэтамi, Федэрацыяй прафсаюзаў Беларусi);

гаспадарчых таварыстваў, якiя знаходзяцца ў веданнi рэспублiканскiх органаў дзяржаўнага кiравання, мясцовых выканаўчых i распарадчых органаў, Нацыянальнай акадэмii навук Беларусi, а таксама ўваходзяць у склад iншых дзяржаўных арганiзацый, падпарадкаваных Ураду Рэспублiкi Беларусь, у статутным фондзе якiх ёсць долi (акцыi) дзяржаўнай уласнасцi i якiя ажыццяўляюць на тэрыторыi Рэспублiкi Беларусь аптовы i рознiчны гандаль таварамi, за выключэннем тавараў, пералiк якiх вызначаецца Саветам Мiнiстраў Рэспублiкi Беларусь, а таксама дзейнасць па бытавому абслугоўванню насельнiцтва i грамадскаму харчаванню прапарцыянальна долi (акцыям), якiя не належаць Рэспублiцы Беларусь.

Гаспадарчыя таварыствы, указаныя ў абзацы чацвёртым гэтага падпункта, адлiчваюць сродкi ў iнавацыйныя фонды, створаныя ўказанымi органамi i арганiзацыямi, у памерах i парадку, устаноўленых заканадаўствам, i ў iнавацыйны фонд Мiнiстэрства гандлю Рэспублiкi Беларусь — у памеры i парадку, устаноўленых iм;

1.3. Беларускаму рэспублiканскаму саюзу спажывецкiх таварыстваў — ад сабекошту прадукцыi, тавараў (работ, паслуг) арганiзацый спажывецкай кааперацыi;

1.4. Федэрацыi прафсаюзаў Беларусi — ад сабекошту работ (паслуг) юрыдычных асоб, якiя ствараюцца гэтай Федэрацыяй.

2. Устанавiць, зыходзячы са спецыфiкi работы, павышаныя памеры адлiчэнняў у iнавацыйныя фонды для асобных рэспублiканскiх органаў дзяржаўнага кiравання, iншых дзяржаўных арганiзацый, падпарадкаваных Ураду Рэспублiкi Беларусь, Беларускага рэспублiканскага саюза спажывецкiх таварыстваў, Нацыянальнай акадэмii навук Беларусi, Федэрацыi прафсаюзаў Беларусi, у тым лiку для:

Мiнiстэрства сувязi i iнфарматызацыi Рэспублiкi Беларусь, Дзяржаўнага камiтэта па авiяцыi Рэспублiкi Беларусь — не больш чым 19 працэнтаў;

Мiнiстэрства энергетыкi Рэспублiкi Беларусь — не больш чым 12,5 працэнта;

Камiтэта па стандартызацыi, метралогii i сертыфiкацыi пры Савеце Мiнiстраў Рэспублiкi Беларусь, Федэрацыi прафсаюзаў Беларусi — не больш чым 5 працэнтаў;

Мiнiстэрства архiтэктуры i будаўнiцтва Рэспублiкi Беларусь — не больш чым 4,5 працэнта;

Мiнiстэрства жыллёва-камунальнай гаспадаркi Рэспублiкi Беларусь, Мiнiстэрства прамысловасцi Рэспублiкi Беларусь, Мiнiстэрства сельскай гаспадаркi i харчавання Рэспублiкi Беларусь, Беларускага рэспублiканскага саюза спажывецкiх таварыстваў, Беларускага дзяржаўнага канцэрна па вытворчасцi i рэалiзацыi фармацэўтычнай i мiкрабiялагiчнай прадукцыi, Дзяржаўнага ваенна-прамысловага камiтэта Рэспублiкi Беларусь — не больш чым 3 працэнты;

Мiнiстэрства гандлю Рэспублiкi Беларусь — не больш за 2,1 працэнта;

Мiнiстэрства iнфармацыi Рэспублiкi Беларусь, Беларускага дзяржаўнага канцэрна па нафце i хiмii, Беларускага дзяржаўнага канцэрна харчовай прамысловасцi «Белдзяржхарчпрам» — не больш чым 2 працэнты;

Мiнiстэрства лясной гаспадаркi Рэспублiкi Беларусь, Мiнiстэрства транспарту i камунiкацый Рэспублiкi Беларусь, Нацыянальнай акадэмii навук Беларусi — не больш чым 1,5 працэнта;

Беларускага дзяржаўнага канцэрна па вытворчасцi i рэалiзацыi тавараў народнага спажывання — не больш чым 1 працэнт.

Абласным i Мiнскаму гарадскому выканаўчым камiтэтам устанаўлiваць, зыходзячы са спецыфiкi работы, павышаныя памеры адлiчэнняў у iнавацыйныя фонды для арганiзацый, якiя знаходзяцца ў iх падпарадкаваннi, у тым лiку гаспадарчых таварыстваў, якiя маюць долi (акцыi) камунальнай уласнасцi ў статутных фондах, прапарцыянальна долi камунальнай уласнасцi.

3. Адлiчэннi ў iнавацыйныя фонды адносяцца на сабекошт i ўключаюцца ў затраты па вытворчасцi i рэалiзацыi прадукцыi, тавараў (работ, паслуг), якiя ўлiчваюцца пры падаткаабкладаннi.

4. Парадак залiчэння i выкарыстання сродкаў iнавацыйных фондаў, якiя ствараюцца рэспублiканскiмi органамi дзяржаўнага кiравання, iншымi дзяржаўнымi арганiзацыямi, падпарадкаванымi Ураду Рэспублiкi Беларусь, Беларускiм рэспублiканскiм саюзам спажывецкiх таварыстваў, Нацыянальнай акадэмiяй навук Беларусi, абласнымi i Мiнскiм гарадскiм выканаўчымi камiтэтамi, устанаўлiваецца Саветам Мiнiстраў Рэспублiкi Беларусь па ўзгадненню з Прэзiдэнтам Рэспублiкi Беларусь.

Рэшткi нявыкарыстаных на 1 студзеня 2005 года сродкаў iнавацыйных фондаў рэспублiканскiх органаў дзяржаўнага кiравання i iншых дзяржаўных арганiзацый, падпарадкаваных Ураду Рэспублiкi Беларусь, Беларускага рэспублiканскага саюза спажывецкiх таварыстваў, Нацыянальнай акадэмii навук Беларусi, абласных i Мiнскага гарадскога выканаўчых камiтэтаў, а таксама сродкi, што паступаюць у лiк пагашэння запазычанасцi арганiзацый па сумах адлiчэнняў ва ўказаныя iнавацыйныя фонды, якая ўтварылася да 1 студзеня 2005 года, падлягаюць залiчэнню ў рэспублiканскi бюджэт, бюджэты абласцей i г. Мiнска ў адпаведныя iнавацыйныя фонды.

Вяртанне залiшне выплачаных адлiчэнняў у iнавацыйныя фонды рэспублiканскiх органаў дзяржаўнага кiравання i iншых дзяржаўных арганiзацый, падпарадкаваных Ураду Рэспублiкi Беларусь, Беларускага рэспублiканскага саюза спажывецкiх таварыстваў, Нацыянальнай акадэмii навук Беларусi, абласных i Мiнскага гарадскога выканаўчых камiтэтаў ажыццяўляецца з рэспублiканскага бюджэту, бюджэтаў абласцей i г. Мiнска за кошт сродкаў адпаведнага iнавацыйнага фонду ў адпаведнасцi з заканадаўствам Рэспублiкi Беларусь.

5. Прадаставiць Савету Мiнiстраў Рэспублiкi Беларусь права вызначаць па ўзгадненню з Прэзiдэнтам Рэспублiкi Беларусь накiрункi i мэты выкарыстання iнавацыйных фондаў, якiя ствараюцца рэспублiканскiмi органамi дзяржаўнага кiравання, iншымi дзяржаўнымi арганiзацыямi, падпарадкаванымi Ураду Рэспублiкi Беларусь, Беларускiм рэспублiканскiм саюзам спажывецкiх таварыстваў, Нацыянальнай акадэмiяй навук Беларусi, абласнымi i Мiнскiм гарадскiм выканаўчымi камiтэтамi, прадугледзеўшы накiраванне часткi павышанага нарматыву iнавацыйных фондаў, якiя ствараюцца Мiнiстэрствам прамысловасцi Рэспублiкi Беларусь, Мiнiстэрствам энергетыкi Рэспублiкi Беларусь i Дзяржаўным ваенна-прамысловым камiтэтам Рэспублiкi Беларусь, на фiнансаванне расходаў па ўтрыманню цэнтральных апаратаў гэтых мiнiстэрстваў i камiтэта.

Накiрункi i мэты выкарыстання iнавацыйнага фонду, якi ствараецца Федэрацыяй прафсаюзаў Беларусi, вызначаюцца Федэрацыяй прафсаюзаў Беларусi па ўзгадненню з Саветам Мiнiстраў Рэспублiкi Беларусь.

6. Сродкi iнавацыйных фондаў, якiя неабгрунтавана атрыманы або выкарыстаны не па мэтаваму прызначэнню рэспублiканскiмi органамi дзяржаўнага кiравання i iншымi дзяржаўнымi арганiзацыямi, падпарадкаванымi Ураду Рэспублiкi Беларусь, Беларускiм рэспублiканскiм саюзам спажывецкiх таварыстваў, Нацыянальнай акадэмiяй навук Беларусi, абласнымi i Мiнскiм гарадскiм выканаўчымi камiтэтамi, Федэрацыяй прафсаюзаў Беларусi, якiя фармiруюць такiя фонды, а таксама арганiзацыямi — атрымальнiкамi ўказаных сродкаў, падлягаюць вяртанню ў адпаведны фонд па рашэнню фiнансавых i iншых органаў у адпаведнасцi з заканадаўствам Рэспублiкi Беларусь са спагнаннем у неаспрэчным парадку з асоб, якiя дапусцiлi парушэннi, у даход адпаведнага бюджэту штрафу ў памеры сумы неабгрунтавана атрыманых або выкарыстаных не па мэтаваму прызначэнню сродкаў.

7. Зацвердзiць на 2005 год аб’ём даходаў i расходаў iнавацыйных фондаў, якiя залiчваюцца ў рэспублiканскi бюджэт, у суме 897 760 092,0 тыс. рублёў згодна з дадаткам 11.

8. Кампенсацыя страт даходаў па ўстаноўцы грамадзянам тэлефонаў на льготных умовах ажыццяўляцца за кошт сродкаў iнавацыйнага фонду Мiнiстэрства сувязi i iнфарматызацыi Рэспублiкi Беларусь.

Артыкул 43. У 2005 годзе стварыць фонд развiцця будаўнiчай навукi, якi фармiруецца Мiнiстэрствам архiтэктуры i будаўнiцтва Рэспублiкi Беларусь за кошт сродкаў, што адносяцца юрыдычнымi асобамi на сабекошт будаўнiча-мантажных работ, у памеры 0,5 працэнта кошту будаўнiча-мантажных работ.

Парадак фармiравання, накiравання i памеры выкарыстання фонду развiцця будаўнiчай навукi вызначаюцца Саветам Мiнiстраў Рэспублiкi Беларусь.

Сродкi фонду развiцця будаўнiчай навукi, якiя неабгрунтавана атрыманы i выкарыстаны не па мэтаваму прызначэнню Мiнiстэрствам архiтэктуры i будаўнiцтва Рэспублiкi Беларусь, а таксама арганiзацыямi — атрымальнiкамi ўказаных сродкаў, падлягаюць вяртанню ва ўказаны фонд па рашэнню фiнансавых i iншых органаў у адпаведнасцi з заканадаўствам Рэспублiкi Беларусь са спагнаннем у бясспрэчным парадку з асоб, якiя дапусцiлi парушэннi, у даход рэспублiканскага бюджэту штрафу ў памеры сумы неабгрунтавана атрыманых або выкарыстаных не па мэтаваму прызначэнню сродкаў.

Артыкул 44. Устанавiць, што ў 2005 годзе:

плата за лясныя карыстаннi, налiчаная па тэрмiнах выплаты ў 2005 годзе, а таксама сумы няўстоек за парушэнне ляснога заканадаўства застаюцца ў распараджэннi арганiзацый лясной гаспадаркi i накiроўваюцца на фiнансаванне мерапрыемстваў па вядзенню лясной гаспадаркi;

запазычанасць па плаце за лясныя карыстаннi, якая ўтварылася на 1 студзеня 2005 года, спаганяецца падатковымi органамi ў бясспрэчным парадку i залiчваецца ў адпаведныя мясцовыя бюджэты;

сродкi, якiя паступаюць ад продажу грамадзянам Рэспублiкi Беларусь зямельных участкаў, што знаходзяцца ў дзяржаўнай уласнасцi, залiчваюцца ў мясцовыя бюджэты адпаведнай адмiнiстрацыйна-тэрытарыяльнай адзiнкi, а ад продажу юрыдычным асобам Рэспублiкi Беларусь i замежным дзяржавам, — у рэспублiканскi бюджэт i выкарыстоўваюцца на ахову зямель, павышэнне iх якасцi i землеўпарадкаванне, а таксама на сацыяльнае развiццё тэрыторый;

стаўкi зямельнага падатку iндэксуюцца на 34 працэнты.

Артыкул 45. Устанавiць, што ў 2005 годзе падатак на набыццё бензiну i дызельнага палiва, якi ўводзiцца абласнымi i Мiнскiм гарадскiм Саветамi дэпутатаў, накiроўваецца:

абласнымi Саветамi дэпутатаў — на набыццё мiнеральных угнаенняў, сродкаў аховы раслiн, нафтапрадуктаў, на рамонт i набыццё сельскагаспадарчай тэхнiкi для арганiзацый, якiя ажыццяўляюць прадпрымальнiцкую дзейнасць па вытворчасцi прадукцыi раслiнаводства (акрамя кветак i дэкаратыўных раслiн), жывёлагадоўлi, рыбаводства i пчалярства;

Мiнскiм гарадскiм Саветам дэпутатаў — на тэхнiчнае пераўзбраенне i рэканструкцыю прадпрыемстваў аграпрамысловага комплексу, стварэнне стабiлiзацыйных фондаў харчовых тавараў i iншыя мерапрыемствы ў галiне аграпрамысловага комплексу па рашэннях Мiнскага гарадскога выканаўчага камiтэта.

Артыкул 46. Устанавiць, што ў 2005 годзе рэспублiканскiя унiтарныя прадпрыемствы i камунальныя унiтарныя прадпрыемствы, маёмасць якiх знаходзiцца на праве гаспадарчага ведання, плацяць адпаведна ў рэспублiканскi i мясцовыя бюджэты частку прыбытку, якая застаецца пасля выплаты падаткаў, збораў (пошлiн), iншых абавязковых плацяжоў, у парадку i памерах, якiя вызначаюцца Саветам Мiнiстраў Рэспублiкi Беларусь для рэспублiканскiх унiтарных прадпрыемстваў, абласнымi i Мiнскiм гарадскiм Саветамi дэпутатаў — для камунальных унiтарных прадпрыемстваў.

Артыкул 47. Устанавiць, што ў 2005 годзе мясцовыя Саветы дэпутатаў маюць права:

змяняць тэрмiны аплаты зямельнага падатку, падатку на нерухомасць, плацяжоў за выкарыстанне (канфiскацыю, здабычу) прыродных рэсурсаў асобным катэгорыям плацельшчыкаў;

павялiчваць (памяншаць), але не больш чым у два разы, стаўкi зямельнага падатку, падатку на нерухомасць, плацяжоў за выкарыстанне (канфiскацыю, здабычу) прыродных рэсурсаў (за выключэннем плацяжу на здабычу нафты, кухоннай i калiйнай солi) асобным катэгорыям плацельшчыкаў. Рашэннi мясцовых Саветаў дэпутатаў аб павелiчэннi ставак указаных падаткаў не пашыраюцца на юрыдычных асоб i iндывiдуальных прадпрымальнiкаў, якiя атрымлiваюць дзяржаўную падтрымку ў выглядзе адтэрмiноўкi, растэрмiноўкi, падатковага крэдыту або нарматыўнага размеркавання выручкi, субсiдый i сродкаў на капiтальныя ўкладаннi з рэспублiканскага бюджэту;

прадастаўляць асобным плацельшчыкам — фiзiчным асобам, якiя не з’яўляюцца iндывiдуальнымi прадпрымальнiкамi, iльготы па аплаце зямельнага падатку, падатку на нерухомасць, падаходнага падатку з фiзiчных асоб, адзiнага падатку з iндывiдуальных прадпрымальнiкаў i iншых фiзiчных асоб;

вызваляць ад аплаты зямельнага падатку i падатку на нерухомасць арганiзацыi спажывецкай кааперацыi па аб’ектах гандлю i грамадскага харчавання, размешчаных у сельскай мясцовасцi.

Артыкул 48. Плацельшчыкi абавязковых адлiчэнняў у дзяржаўны фонд садзейнiчання занятасцi, адлiчэнняў у iнавацыйныя фонды, адлiчэнняў у фонд развiцця будаўнiчай навукi, адлiчэнняў часткi прыбытку рэспублiканскiх i камунальных унiтарных прадпрыемстваў, якiя вызначаны адпаведна артыкуламi 6, 42, 43 i 46 гэтага Закона, карыстаюцца правамi i нясуць абавязкi, устаноўленыя для плацельшчыкаў падаткаў, збораў (пошлiн).

Падатковыя органы пры ажыццяўленнi кантролю за правiльным налiчэннем, поўнай i своечасовай аплатай указаных адлiчэнняў, прымяненнi спосабаў забеспячэння iх аплаты, а таксама аплаты пеняў, спагнаннi ўказаных адлiчэнняў, а таксама пеняў карыстаюцца правамi i нясуць абавязкi падатковых органаў, устаноўленыя для ажыццяўлення падатковага кантролю, прымянення спосабаў забеспячэння выканання падатковых абавязацельстваў, аплаты пеняў i спагнання падаткаў, збораў (пошлiн), пеняў.

Няўплата або няпоўная аплата ўказаных адлiчэнняў, парушэнне ўстаноўленага тэрмiну прадастаўлення дэкларацый (разлiкаў) па ўказаных адлiчэннях нясуць адказнасць, устаноўленую заканадаўствам за няўплату, няпоўную аплату падаткаў, збораў (пошлiн), парушэнне ўстаноўленага тэрмiну прадстаўлення ў падатковы орган падатковай дэкларацыi (разлiку).

Артыкул 49. Устанавiць у 2005 годзе наступную чарговасць ўключэння ў адпускныя цэны (тарыфы) на тавары (работы, паслугi) сум падаткаў i збораў, якiя выплачваюцца ў адпаведнасцi з заканадаўчымi актамi Рэспублiкi Беларусь, з выручкi ад рэалiзацыi тавараў (работ, паслуг):

акцызы (для падакцызных тавараў);

збор у рэспублiканскi фонд падтрымкi вытворцаў сельскагаспадарчай прадукцыi, харчавання i аграрнай навукi, збор у мясцовыя мэтавыя бюджэтныя жыллёва-iнвестыцыйныя фонды, збор на фiнансаванне расходаў, звязаных з утрыманнем i рамонтам жыллёвага фонду, падатак з карыстальнiкаў аўтамабiльных дарог;

падатак з прадаж аўтамабiльнага палiва;

падатак на дабаўленую вартасць.

Артыкул 50. Рэспублiканскiм органам дзяржаўнага кiравання i iншым дзяржаўным арганiзацыям, падпарадкаваным Ураду Рэспублiкi Беларусь, абласным i Мiнскаму гарадскому выканаўчым камiтэтам забяспечыць у 2005 годзе павышэнне заработнай платы работнiкам падпарадкаваных iм арганiзацый, якiя фiнансуюцца з бюджэту (бюджэтных арганiзацый), у тым лiку за кошт сродкаў, якiя атрымлiваюцца гэтымi арганiзацыямi ад дзейнасцi, якая прыносiць даход i ажыццяўляецца iмi ў адпаведнасцi з устаноўчымi дакументамi.

Артыкул 51. Гэты Закон уступае ў сiлу з 1 студзеня 2005 года, за выключэннем гэтага артыкула i артыкула 52, якiя ўступаюць у сiлу з дня афiцыйнага апублiкавання гэтага Закона.

Артыкул 52.

1. Савету Мiнiстраў Рэспублiкi Беларусь у трохмесячны тэрмiн пасля афiцыйнага апублiкавання гэтага Закона:

1.1. прывесцi нарматыўныя прававыя акты Урада Рэспублiкi Беларусь у адпаведнасць з гэтым Законам;

1.2. забяспечыць перагляд i адмену рэспублiканскiмi органамi дзяржаўнага кiравання i iншымi дзяржаўнымi арганiзацыямi, падпарадкаванымi Ураду Рэспублiкi Беларусь, iх нарматыўных прававых актаў, якiя супярэчаць гэтаму Закону;

1.3. прыняць iншыя меры, неабходныя для рэалiзацыi гэтага Закона.

2. Абласным i Мiнскаму гарадскому Саветам дэпутатаў:

2.1. забяспечыць своечасовае зацвярджэнне адпаведных мясцовых бюджэтаў;

2.2. устанавiць парадак расходавання рэзервовых фондаў, якiя ствараюцца мясцовымi Саветамi дэпутатаў;

2.3. у трохмесячны тэрмiн прыняць рашэннi, неабходныя для выканання гэтага Закона.

Прэзiдэнт Рэспублiкi Беларусь А. ЛУКАШЭНКА.

18 лiстапада 2004 года, г. Мiнск.

№ 339—3.

_________________
* За выключэннем iнавацыйнага фонду, што ўтвараецца Федэрацыяй прафсаюзаў Беларусi.
<<< вярнуцца да каталогу <<< вярнуцца да пачатку Закона паглядзець каментарый >>>


Rambler's Top100 Rating All.BY
Hosted by uCoz